[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 4.51 # Dvadasharanayacakra 4.51 Nyāyāgamānusāriṇī 4.51 - **Language:** Sanskrit ### [4.51](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.51) itara āha --nanvannodakaśubhāśubhate prativiśiṣṭāpaśadayogakṛte . prativiśiṣṭakarpūrādyekāntaśubhadravyayoge sati jalādi aśubhagandhamapi sat surabhīkriyate adhikaguṇābhibhavabhāvanayā, evamaśucyapaśadadravyayoge sati tadutkṛṣṭagandhābhibhavāt tadbhāvanayā karpūrādyapi tadgandhībhavadupalabhyate . athavā tadeva vinaṣṭaṃ śubhataḍākādigatamalpaṃ śuṣyacchuṣyat karpūragandhaṃ bhavadupalabhyate, nālikeraphalāni surabhīṇi santi pūtībhavanti dṛśyante . tasmādubhayadharmatā sarvadravyāṇām, tathā kāyo'pīti . etacca na, ekaikasya sarvarūpadravyabhavanaparamārthatvāt . vīpsayā vyāptiṃ sarvarūpadravyabhavanasya bhāvakasya bhāvyasya ca darśayati yathā cātra pariṇāmyapariṇāmakapariṇamyapariṇamakabhāvādekatvaṃ tathātmakarmaṇorapi . ātmā pariṇamayati tathābhavanasāmarthyād gatijātyādinā pudgalān pudgalāścātmānaṃ mithyādarśanāditvena, anyonyapariṇāmakatvādanāditvamekatvam . ekaikasyeti . sarvaśubhāśubheṣṭāniṣṭakāraṇatvādirūpo hi dravyabhavanaparamārthaḥ, evaṃ hi bhavadeva bhavaddravyaṃ paramārthato bhavati, nānyathā . yathoktam --egamegassa ṇaṃ bhaṃte jīvassa egamege jīve mātittā+e ityādipraśnaḥ yāvat ājātapuvve . vyākaraṇam --gotama ! asa+ī aduvā aṇaṃtakhutto, evaṃ savvajīvāṇa vi egajīvo, egajīvassa vi savvajīvā, tathā savvapoggalā egajīvassa savvajīvāṇaṃ ca āhārattā+e usāsattā+e bhāsattā+e sarīrattā+e iṃdiyattā+e maṇattā+e āṇāpāṇattā+e ityādyārṣe aikyāpattau jñāpakaṃ sarvajñoktatvāt . - [Previous: 4.50](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.50) - [Next: 4.52](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.52) - [Up: 4](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.408) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.51](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.51) · Pramāṇa