[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 4.52 # Dvadasharanayacakra 4.52 Nyāyāgamānusāriṇī 4.52 - **Language:** Sanskrit ### [4.52](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.52) atrānumānam --tadeva taditi pratijñā mātṛtvādibhāvena yad bhavati śarīrādibhāvena vā tadekaikaṃ sarvarūpamityarthaḥ, tatparamārthatvāt tadvat, etaduktaṃ bhavati--tat tatsvarūpāpannabhavanaparamārthatvāt tat tatsvarūpavat . evamitaramapi pakṣīkṛtya sādhyam . yatsvarūpamidaṃ bhavati karpūraṃ śarīramannādi vā tat tadevetyarthaḥ, yacca yadeva na bhavati na tat tatparamārthaṃ yathā khapuṣpaṃ kharaviṣāṇaṃ vā, bhavanmatyānyat tat tadanyasvarūpāpatteḥ, syādaheyasyāntaraṅgasya tattvam syād bahiraṅgasya cānyatvamiti tadeva hyanyatvābhimatamasmāmatam, asmā--bhistasyaiva tadrūpatvamiti sādhyate . tasmānnāstyanyathātvaṃ na cāsiddhaṃ tatparamārthatvamiti . abhyupetyāpi anyathātve'pi tadanatirekātmakatvāt tadeva tat iti vartate . tasmāt tasya vānatirekaḥ, sa ātmāsyeti tadanatirekātmakam, yad yadanatirekātmakamanyathātve'pi tadeva tad dṛśyate . kimiva ? tantuyajñopavītavat, tantvanatirekātmakatvād yajñopavītasya valitasyānyathātve'pi tantvātmakatvameva tathā sukhādiṣu bhāvanīyam, tadanatirekātmakatvaṃ ca bhāvitārthameva te cceva te poggalā subbhigaṃdhattā+e jñātādharma॰ ityādinā . - [Previous: 4.51](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.51) - [Next: 4.53](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.53) - [Up: 4](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.408) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.52](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.52) · Pramāṇa