[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 4.53 # Dvadasharanayacakra 4.53 Nyāyāgamānusāriṇī 4.53 - **Language:** Sanskrit ### [4.53](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.53) yathā cātretyādi . evaṃ ca tadeva taditi sarvaṃ sarvasya bāhyasya pariṇāṇamyasya pariṇamayituśca tattvam . yo'dhikaguṇasya tādguṇyaṃ pratipadyate sa pariṇāmī yo'dhikaguṇo nyūnaguṇatvamāpādayati sa pariṇāmaka ityucyate vyavahārataḥ . niścayatastu pariṇāmipariṇāmakāvāvirbhāvatirobhāvamātrabhedau svata eva ityasya nayasya darśanam, pariṇāmaśca dravyamātram, dravyaṃ ca bhavye pā॰ 5 . 3 . 104, yad yad bhavati sa paramārtho'syeti, tadapyevaṃ bhāvitaṃ kṣīrāderyāvacca ghaṭādestāvad boddhavyam . tathādhikṛtasyādhyātmikasya karmakarmisaṃjñasya śarīraśarīrisaṃjñasya vā bhāvanārthamupanayati --tathātmakarmaṇorapīti . tad vyācaṣṭe --ātmā yadapi ca rūpādi tadapyātmana eva tattvam, upayogātmakatvāt tadavyatirekalabhyarūpatvāt, matyādivat . rūpādīnāṃ deśakālādibhedena agṛhyamāṇatvāda- pariṇayamatītyādinā yāvadanāditvamekatvamiti pariṇāṇamyapariṇāṇamakayoraniyatadeśakālabhāvādirūpatāṃ darśayati tathābhavanasāmarthyād gatijātyādinā pudgalāniti, upayogalakṣaṇa ātmā gatijātiśarīrāṅgopāṅgādyanubhavanopayogātmatayā tān pudgalān pariṇamayatīti ātmanaḥ pariṇāmakatvaṃ teṣāṃ pariṇāṇamyatvam . pudgalāścātmānaṃ mithyādarśanāditveneti mithyādarśanāviratipramādakaṣāyayogasukhaduḥkhodayakṣayopaśamādibhāvena pariṇamayanti, tadbhāvenātmā pariṇamyate . sa ca mithyādarśanodayādibhāvo bhavabhrāntihetuḥ, tadvaśasya saṃsaraṇāt . etasya karmakarmidvayasyānyonyapariṇāmakatvādanāditvamekatvameva, ekatvaśabdena paryāyabhūtena tattvaṃ vyācaṣṭe saṃsārasya karmakarmisambandhajatvāt tasya ca sambandhasyānāditvāt . yathoktam --puvviṃ bhaṃte ! aṃḍa+e pacchā kukkuḍī ? ityādi praśnaḥ . vyākaraṇam --rohā ! puvviṃ pi ete pacchā vi ete, do vi ete sāsatā bhāvā, aṇāṇupuvvī esā rohā ! bhagavatīsū॰ 1 . 6 . 53 ityādi . mithyādarśanagrahaṇaṃ sarvakarmabandhādhārabhūtatvāccheṣasyāpi sarvasya sūcanam . - [Previous: 4.52](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.52) - [Next: 4.54](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.54) - [Up: 4](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.409) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.53](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.53) · Pramāṇa