[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 4.54 # Dvadasharanayacakra 4.54 Nyāyāgamānusāriṇī 4.54 - **Language:** Sanskrit ### [4.54](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.54) āha--yaduktaṃ tvayā karpūrodakādyacetanānāṃ pariṇāmyapariṇāmakabhāvādekatvaṃ cetanācetanayośca jīvakarmaṇoriti tadyuktam . kintu rūpādi upayogībhavadātmā bhavati ātmāpi rūpādībhavati tatpariṇāmāt ityetannopapadyate svabhāvāvināśāditi . atrocyate --yadapi cetyādi yāvad matyādivaditi . yadapi ca bahirbhinnaṃ viṣayajātamupayoganimittabhūtaṃ rūpādi tadapyātmana eva tattvam . rūpāditattvamātmānaṃ ca vakṣyāmaḥ . kuto rūpādyapi ātmana eva tattvamiti cet, ucyate --upayogātmakatvāt, matyādicakṣurdarśanādibhedaprabheda upayoga ātmā'sya rūpāderviṣayasya so'yaṃ tadātmakaḥ . kathaṃ rūpāderviṣayasyopayogātmakatvamiti cet, ucyate --tadavyatirekalabhyarūpatvāt, rūpaṃ raso gandha ityādiviṣayasvarūpākāreṇopayogena avyatirikta ekībhūta evopalabhyate rūpādirviṣayo nānyathā, anyathā viṣayasvarūpānavadhāraṇāt . tasmāt tadanatirekalabhyarūpatvāt rūpādirviṣaya upayogātmakaḥ . yad yadupayogātmakaṃ tat tadātmana eva tattvam, yathā matyādicakṣurdarśanādibheda upayoga iti . - [Previous: 4.53](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.53) - [Next: 4.55](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.55) - [Up: 4](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.409) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.54](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.54) · Pramāṇa