[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 4.59 # Dvadasharanayacakra 4.59 Nyāyāgamānusāriṇī 4.59 - **Language:** Sanskrit ### [4.59](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.59) idānīṃ pratyekapratyuktibhāvanādik tu, tuśabdo viśeṣaṇārthaḥ, yugapatpratyuktidiktaḥ pratyekapratyuktidig viśiṣyate . karmaikāntavādapratyuktidik tāvat pravartayitṛtvāt puruṣaśca kāraṇamutkarṣārthī, caśabdāt karma ceti, ekāntapratiṣedhasya vakṣyamāṇatvāt . utkarṣamarthayatītyutkarṣārthī, utkarṣa evārthaḥ so'syāstīti vā, arthāccāsannihite pā॰ vā॰ 5 . 2 . 135 iti iniḥ, sa cotkarṣo bāhyo dhanadhānyamitrabhūmyādisampat, āntarastvārogyajñānādisampat, kṛtārthasya tadarthārambhoparamādasannihitārtho'rthīti . kasmāt puruṣaśca kāraṇamiti cet, ucyate --tasyaivoktavat sarvatvāt vrīhiṇaiva vrīhiḥ kriyate ityādinyāyo- ktavadasāveva puruṣaḥ prāṇādimāṃścetanaḥ karmāpi, apiśabdād nokarmāpi prāṇāpānabhāṣāmanodravyādipudgala ādhyātmiko bāhyo'pi rūpādipudgalaścetano yasmāt tasmāt sa eva pravartayitā . tasyaivāsmin pakṣe karmādisarvasarvatvāt kiṃ tadanyat karma ? iti tasyaiva karmatāpi, apiśabdāt puruṣatāpi pudgalatāpi . - [Previous: 4.58](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.58) - [Next: 4.60](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.60) - [Up: 4](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.4.16) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.59](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.59) · Pramāṇa