[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 4.66 # Dvadasharanayacakra 4.66 Nyāyāgamānusāriṇī 4.66 - **Language:** Sanskrit ### [4.66](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.66) na kevalaṃ karmātmanorevābhinnaikyam, kiṃ tarhi ? yathā cātra tattvaṃ karmātmanoḥ sarvaprabhedeṣu vṛttaṃ bhāvitamasmābhistathā avagāhādilakṣaṇairastikāyaiḥ avagāhagatisthitilakṣaṇairākāśadharmādharmākhyaiḥ saha karmātmavicāroktāt pravartakapravartyanyāyād bhāvanīyamiti vartate . yathā pravartaka eva pravartya ityuktaṃ tathā avagāhādi pravartakaṃ pravartyaṃ cobhayamekameva karmātmavaditi . punarapi tadbhāvanārthamāha --taddravyatvāt, yad yad yaddravyaṃ tat tat tattattvam, yathā prāg bhāvitaṃ pṛthivyādi vrīhyādi . pṛthivyādivat taddravyatvamasiddhamiti cet, netyucyate, avagāhādidravyaṃ yathā viyadādi evamātmādyapi, yathāvagāhopakāraguṇamākāśaṃ gatisthityupakāraguṇau dharmādharmāvevamātmaparamāṇvādidravyamapi . kuto hetoḥ ? tasyaiva tathābhūteḥ, tadeva hyātmapudgaladravyaṃ tathā tathāvagāhagatisthitirūpeṇa bhavati . kimiva ? udakādivrīhitvaśivakādighaṭatvavat, yathodakapṛthivyākāśavātabījāṅkurādaya eva vrīhībhavanti yugapadbhāvino bhāvāḥ yathā ca kramabhāvinaḥ śivaka-sthāsaka-kuśūlakādaya eva ghaṭībhavanti tathā ātmādyapyavagāhādi, avagāhādi viyadādi, viyadādyavagāhādi, avagāhādyātmādi ca bhavatīti tasya tasya taddravyatvam, taddravyatvāt pravartakapravartyaikyanyāyo'vasthitaḥ . tasmāccātmapudgalākāśadharmādharmāstikāyā ekaṃ tattvaṃ sarvaprabhedavṛttamiti . - [Previous: 4.65](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.65) - [Next: 4.67](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.67) - [Up: 4](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.4.18) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.66](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.66) · Pramāṇa