[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 4.70 # Dvadasharanayacakra 4.70 Nyāyāgamānusāriṇī 4.70 - **Language:** Sanskrit ### [4.70](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.70) atrāha--na cetano'cetanaḥ iti nañā pratiṣedhavācinā sambandhādacetanarūpeṇa cetanasya bhāvābhāva iti . atra brūmaḥ --acetana iti ca cetanādanya ātmaivoktaḥ paryudāsavācitvād nañaḥ, nātyantābhāvavācitvāt . sa ko'nyaścetanādanya ātmaiva iti cet, ucyate--sparśāsparśādidharmaṇastasyaivopayogādyasparśarūpādanyena rūpeṇa sa eva sparśādimān jñānāvaraṇādikarmarūpa ātmā, tena cetanādanyenācetana iti cetana evoktaḥ, na tu bhavanmatātyantacetanābhāvarūpeṇa, prasajyapratiṣedhākhyasya vikalpāntarasyābhāvād nocyate cetano na bhavatyacetanaḥ iti . tathā cetanā na bhavatyacetanā iti nocyate'jñānādi jñānadarśanavīryādi na bhavatīti, kiṃ tarhi ? cetanāyā anyā'cetanā, kā sā ? sparśādīti . tathā jñānādi na bhavatītyajñānādi nocyate, kiṃ tarhi ? jñānāderanyadajñānādi sparśādyeva . acetanā'jñānayorbhūya udāharaṇaṃ cetanātmano dravyasya nirdeśenāparituṣṭasya parasya tadabhipretaparyāyanirdeśena pratipādanārtham, ajñānādirveti, kiyatī vodāharaṇamālā kriyate ? yo'pyajñāna-saṃśaya-viparyayajñānādirjñānād bhinna ityabhimato dharmakalāpaḥ so'pi jñānājñānātmātmarūpāderbhinna eveti tatrāpi na tu jñānādirna bhavatyajñānādirityucyate, kiṃ tarhi ? jñānāderanya evājñānādirityātmaiva ajñānādirūpeṇocyate iti . - [Previous: 4.69](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.69) - [Next: 4.71](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.71) - [Up: 4](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.420) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.70](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.70) · Pramāṇa