[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 4.71 # Dvadasharanayacakra 4.71 Nyāyāgamānusāriṇī 4.71 - **Language:** Sanskrit ### [4.71](https://indike.org/pramana/in.jaina.post.dvadasaranayacakra!simhasuri.4.71) yadyeṣa nyāyo neṣyate'nyaḥ sa prasajyapratiṣedha iṣyate cetano na bhavatyacetana ityādiriṣyate tvayā tata evaṃ sati tathā tena prakāreṇa sarvato vyāvṛttiḥ, ghaṭaḥ paṭo na bhavatīti paṭo'pi ghaṭo na bhavatīti parasparavyāvṛttivat sarvabhāvavyāvṛtteścetanācetanayorvyāvṛttiḥ . tataśca sarvato vyāvṛtterayuktaḥ prasajyapratiṣedho nirviśeṣavyāvṛttyarthatvād naña iti . syānmatam--svatastvavyāvṛttirbhaviṣyati ghaṭavaditi cet, ucyate --svato'pi vyāvṛtteḥ, svato'pi tarhi vyāvṛttaṃ tat paraparikalpitaṃ vastu prāpnoti sarvato vyāvṛttatvāt khapuṣpavat . tasmāccāvastutvaṃ svaparato vyāvṛttatvāt khapuṣpavadeveti . tata āha --asattvāditi . tasmāt sthitametat--asattvaprasaṅgāt prasajyapratiṣedhābhāvācca prāgabhāvādivyāvṛtteranyatvamarthaḥ bālaḥ kumāro na bhavati ityādiṣu . tata upasaṃhriyate maula eva anyatvācca tattva eva prāgabhāvādivyāvṛtterbālakumārādivat tattvameva cetaneti . - [Previous: 4.70](https://indike.org/pramana/in.jaina.post.dvadasaranayacakra!simhasuri.4.70) - [Next: 4.72](https://indike.org/pramana/in.jaina.post.dvadasaranayacakra!simhasuri.4.72) - [Up: 4](https://indike.org/pramana/in.jaina.post.dvadasaranayacakra!simhasuri.4) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.4.20) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.4.71](https://indike.org/pramana/in.jaina.post.dvadasaranayacakra!simhasuri.4.71) · Pramāṇa