[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 4.76 # Dvadasharanayacakra 4.76 Nyāyāgamānusāriṇī 4.76 - **Language:** Sanskrit ### [4.76](https://indike.org/pramana/in.jaina.post.dvadasaranayacakra!simhasuri.4.76) katham om ityeṣo'nvayavyatirekarahitaḥ śabdārtho bhavitumarhatīti cet, ko brūte'nvayavyatirekarahita iti ? yasmādatrānuvṛttivyāvṛttī anantaroktapṛthivyādidhātuvikalpajñānasatyatvānuprabandhasāmarthyopahitarūpe, pṛthivyādidhātūnāmacetanābhimatānāṃ vikalpasatyānāṃ cetanakarmātmanokarmābhimatānāṃ ca jñānasatyasvarūpapuruṣatvena vānvitavyatiriktānām om iti karmātmaikyāpattyā tatsatyatvānuprabandhena śaktyupadhānaṃ nityamevetyanvayavyatirekavānevāyaṃ śabdārtha iti . te cānuvṛttivyāvṛttī yo yo bhāgo yathābhāgaṃ prasiddhimabhidhānābhidheyavyavahārātmikāṃ karma iti puruṣaḥ iti karmapuruṣakāra iti eka eva iti vā prasiddhiṃ gacchata iti . - [Previous: 4.75](https://indike.org/pramana/in.jaina.post.dvadasaranayacakra!simhasuri.4.75) - [Next: 4.77](https://indike.org/pramana/in.jaina.post.dvadasaranayacakra!simhasuri.4.77) - [Up: 4](https://indike.org/pramana/in.jaina.post.dvadasaranayacakra!simhasuri.4) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.424) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.4.76](https://indike.org/pramana/in.jaina.post.dvadasaranayacakra!simhasuri.4.76) · Pramāṇa