[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 4.77 # Dvadasharanayacakra 4.77 Nyāyāgamānusāriṇī 4.77 - **Language:** Sanskrit ### [4.77](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.77) sa ca śabdārtho'nādyanuprabandhasāmarthyopahitānupravṛttitvād nityaḥ . atrotpādavināśaśabdāvapi tatsthitarūpāveva nāsadudbhavātyantavināśarūpāviti, tadvyācaṣṭe --ūrdhvapadanamityādi gatārtham, yathāsaṅkhyamāvirbhāvatirobhāvasvarūpayorapi bhāvābhidhāyitvādavasthita evārtha utpadyate vinaśyatīti cocyate tathā vākyārtho'pi ca pṛthak sarvaṃ padam, sarvasarvātmakatvāt . nibandhanamapyasya ārṣam--je ekaṇāme se bahuṇāme ācārāṅgasū॰ 1 . 3 . 4 iti . tathā pariṇamamānaḥ . anityaghaṭādiśabdā apīti, anityaḥ pradhvastaḥ ityādayo ghaṭaḥ paṭaḥ ityādayaśca śabdāḥ pṛthivyādilakṣaṇā api nātyantamutpannamabhūtaṃ vārthaṃ bruvate, kiṃ tarhi ? svatattvabījaṃ dravyamevāvicchinnamāhuḥ, svatattvaṃ yadabhūtvā bhavati bhūtvā ca na bhavati tadanityam, samānakartṛkayoḥ pūrvakāle ktvāpratyayavidhānāt . sa eva tu dṛśyādṛśyapariṇāmābhyāṃ bhavati na bhavatīti svatattvasya anityatvasya bījaṃ dravyamevārthaḥ . ghaṭādi tāvattadanityatvam, tasya bījamavasthitaṃ dravyaṃ sāmānyameva aṅkurādervrīhivat . tadevāvicchinnaṃ mahāpṛthivīvadanutpādavyayayogi avṛddham avicāli kūṭasthaṃ dhruvaṃ nānyaditi padārthaḥ . - [Previous: 4.76](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.76) - [Next: 4.78](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.78) - [Up: 4](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.425) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.77](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.77) · Pramāṇa