[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 5.40 # Dvadasharanayacakra 5.40 Nyāyāgamānusāriṇī 5.40 - **Language:** Sanskrit ### [5.40](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.40) nanu kārakāṇāmityādi . bhavanamevāviśiṣṭaṃ sarvatra kriyā ityāpādite tadamṛṣyatā idaṃ vaiyākaraṇena kriyālakṣaṇamabhidhīyate --pravṛttiviśeṣaḥ kriyā ityetajjyāyaḥ kriyālakṣaṇam, na satatasampravṛttimātram . tatra kārakāṇām ityetasya vyākhyānamudbhūtaśabdaiḥ kārakasyaiva kriyātvaṃ mā vijñāyi bhavatā, kārakapṛthagbhūtā gṛhyatām iti bhedadarśanārthā ṣaṣṭhī . viśeṣagrahaṇaṃ punaḥ kimarthamiti cet, tata āha --sarvatra pravṛttisambhava ityādi . kenacit phaloddeśeneti sāṃvyavahārikamodanādiphalamuddiśyate, kārakavatyā iti svāśrayapṛthagbhūtakaraṇādisādhanavatyā ityarthaḥ, sarvā hi kriyā kartṛsamavāyinī karmasamavāyinī vā syāt pacatibhinattivat phalavatīti evaṃrūpāyāḥ pacipaṭhigamyādeḥ parigrahārthaṃ bhidyādeśca viśeṣagrahaṇamiti . - [Previous: 5.39](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.39) - [Next: 5.41](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.41) - [Up: 5](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.452) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.40](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.40) · Pramāṇa