[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 5.41 # Dvadasharanayacakra 5.41 Nyāyāgamānusāriṇī 5.41 - **Language:** Sanskrit ### [5.41](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.41) pravṛttimātraparigrahe tvatpakṣe doṣa ucyate --sarvabhāveṣu hi pravṛttirastītyādi, rūpādibhiḥ sahabhāvibhirasahabhāvibhirgatisthityādibhiśca viśeṣaiḥ pratyāśrayaṃ vastuni vastuni sahitā yuktaiva sā pravṛttiḥ, prādurbhāvatirobhāvātmiketi rūpamasyāḥ kathayati, pracayāpacayaphaleti kāryasya pravṛttimāha kriyāyāṃ pracayāpacayaphalā ityuktaṃ bhāṣyakāreṇa--sarvasya muhūrtamapyanavasthānāt kiṃ phalaṃ laukikam ? viśeṣāstūpajāyamānāḥ svāśrayāt kārakāntarāṇyapekṣante, yathā vikledastaṇḍulāśrayaḥ kāṣṭhādīnyapekṣate . tatra yā pravṛttiḥ sā lokavyavahārānaṅgam . tasmāt pravṛttiviśeṣaḥ kriyā na pravṛttisāmānyam . bhāvaśca kriyā iti yaducyate tanna sidhyati . pravṛttisāmānyasya kutaḥ kriyātvaṃ phaloddeśakārakasambandhābhāvāt, gacchatyādivyāpirūpatā vā pravṛttiviśeṣatvenābhūtatvāt kārakavat, vaidharmyaṃ tadbhedavat . tathā ca dravyadvitīyatāpi naiva pravṛttisāmānyasya, asattvāt, khapuṣpasyeva . asattvaṃ ca adravyatve sati agatyāditvāt khapuṣpavat . gṛhītvoktaṃ bhāṣyakāreṇeti tasyāḥ sarvatra vastuni sambhavantyāḥ svarūpaphalasadbhāvapradarśanārthamuktamiti granthaṃ yojayati, sarvasya muhūrtamapyanavasthānāt kiṃ phalaṃ laukikaṃ sāṃvyavahārikam ? iti vyavahārākṣamatāṃ darśayati . viśeṣagrahaṇasāmarthyāt punarviśeṣāstūpajāyamānāḥ pacyādaya odanādiphalāntarahetavaḥ svāśrayāt kārakāntarāṇyapekṣante . tannidarśayati --yathā vikledastaṇḍulāśrayaḥ kāṣṭhādīnyapekṣate iti . tadupanayati --tatra yā pravṛttirityādi gatārthaṃ yāvad na pravṛttisāmānyamiti . iti viśeṣagrahaṇasāphalyaṃ vyākhyātaṃ bhavati pravṛttisāmānyasyākriyātvaṃ ca . - [Previous: 5.40](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.40) - [Next: 5.42](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.42) - [Up: 5](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.453) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.41](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.41) · Pramāṇa