[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 5.52 # Dvadasharanayacakra 5.52 Nyāyāgamānusāriṇī 5.52 - **Language:** Sanskrit ### [5.52](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.52) atrāha --syādetadityādi yāvadevametadapi syāditi . yathā tu bhuktikriyāyā nivṛttistṛptiphalāvasānā tat prayojanamuddiśya kārakapravṛtteḥ, tasmiṃścāvasite prayojane kārakāṇi na pravartante, tasmāt kārakānabhisambandhād bhujernivṛttiḥ na kriyāntarabādhanāt . evaṃ gatirapi prāptiphalāvasānā prayojanābhāve kārakānabhisambandhād nivartate na kriyāntarabādhanāt . ataḥ saṃśemahe--kiṃ svapnajāgaraṇavat kriyāntaranyaṅnayane kriyāntarodbhāvastādātmye satyeva syāt ? utātyantanivṛttireva gateḥ phalāvasānabhujikriyāvat ? iti . atrocyate— atrāpi tu mā maṃsthāḥ bhujinivṛttirabhāva eva iti, kiṃ tarhi ? phalaṃ tṛptiḥ kriyāntaraṃ pravṛttereva kriyātvāt, bubhukṣāṃ hi bādhitvetyādi yāvat kriyācakrakāṇyetānīti . etaduktaṃ bhavati--kriyāntaraprādurbhāvena vinā na kriyānivṛttirnāpi pūrvakriyānyakkaraṇamantareṇa kriyāntaraprādurbhāvaḥ, bubhukṣābhuktitṛptikriyācakravat pūrvapūrvabādhayā uttarottaraprādurbhāvāt samānametadapīti . tasmād nābhāvo gatinivṛttiḥ, bhāva eva sthitiriti . - [Previous: 5.51](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.51) - [Next: 5.53](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.53) - [Up: 5](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.5.13) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.52](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.52) · Pramāṇa