[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 5.57 # Dvadasharanayacakra 5.57 Nyāyāgamānusāriṇī 5.57 - **Language:** Sanskrit ### [5.57](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.57) anantaraṃ khapuṣpādirapi prasaṅgato'bhihito yo'sāvabhāvābhimatastatrāpi abhāvaḥ iti ca nāpadārtha ucyate, kiṃ tarhi ? nañaḥ paryudāsavācitvād bhāvādanyo bhāva iti bhāvaviśeṣaḥ, abrāhmaṇakṣatriyādivat . evaṃ khapuṣpādyasattāvāciśabdānāṃ bhāvārthatvam, evamasadbhāvābhimateṣvapi sadarthaviṣayatvamiti nyāya nyathābhavanaṃ tathā vinaśyati ityādi . khapuṣpādīnāmapi nanu tathā abhavanam, anyathā na tu abhavanam . agatisthitiranyathābhavanamevaṃ khapuṣpādirapi, sati niyatatvāt prakārāṇām . evaṃ ca eka eva pūrvāparībhūto bhāvaḥ pravṛttirityucyate sa ca evāntarbhāvitasvaprabhedatvāt pravṛttiviśeṣa ityucyate, bhujiviśeṣavat, yathā bhujāveva dravyakṣetra- vyāpitāṃ darśayati . vakṣyate cāsyodāharaṇamatideśasya . idaṃ tu tāvat prakṛtaṃ bhāvyate --yathā tiṣṭhati, pacati ityanyathābhavanam, anyena prakāreṇa parispandapariṇatasya dravyasya tataḥ prakārādanyena aparispandapariṇatiprakāreṇa bhavanaṃ tiṣthati āste śeta ityādi, taṇḍulādikaṭhinadravyamṛdūbhavanaṃ pacatyādi . yathaitāḥ kriyāḥ anyathābhavanamātrabhedāḥ pravṛttisāmānyaṃ bhavanaṃ nātivartante tathā vinaśyati pradhvaṃsate nitiṣṭhati ityādayo'pi bhavanaprakārāḥ pravṛttisāmānyaṃ bhāvatvaṃ ca nātivartante . evaṃ kriyāpadavācyasyārthasya anyathābhavanamātratā vyākhyātā . ye'pyatyantābhāvābhimatāḥ khapuṣpādiśabdavācyāsteṣāmapi nanu tathā abhavanam, anyena prakāreṇa na tvabhavanam, bhavanameva, nātyantābhavanamityarthaḥ . katham ? agatisthitiḥ, gateranyā sthitiragatisthitiḥ, na tu gatyabhāvamātram, gatereva prakārāntaratā . yathā sā sthitiranyathābhavanamevaṃ khapuṣpādirapi anyathābhavanam . kiṃ kāraṇam ? sati niyatatvāt prakārāṇām, prakāratvāt sanneva khapuṣpādiḥ, yo yaḥ prakāraḥ sa sanneva, yathā gatinivṛttiḥ sthitiruktanyāyā satī . kathaṃ khapuṣpādeḥ prakāratā iti cet, ucyate--khapuṣpasya ca samavāyarūpeṇānabhivyaktiḥ aśokakusumādiprakāreṇābhivyaktiriti prakāratvānativṛtteḥ, dravyakriyayoḥ sarvātmakatvādasmin dravyārthanayabhede sarvaṃ dravyaṃ kriyā ca gamanādi, dravyabhedānāṃ gamanādikriyābhedānāṃ coktavad bhavanadvayābhedāt katamat khaṃ katamadvā puṣpāṇāṃ vikasanamanyat ? iti devadattagamanabhavanadvayatvavat tadapīti khapuṣpādirapi bhāvaḥ . - [Previous: 5.56](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.56) - [Next: 5.58](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.58) - [Up: 5](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.462) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.57](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.5.57) · Pramāṇa