[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 5.69 # Dvadasharanayacakra 5.69 Nyāyāgamānusāriṇī 5.69 - **Language:** Sanskrit ### [5.69](https://indike.org/pramana/in.jaina.post.dvadasaranayacakra!simhasuri.5.69) evaṃ parihāradvaye'pi samānamuttaramidamucyate --evaṃ cocyamāne nanvasmaddhṛdaya eva dṛṣṭam . nanu ityanujñāpane, anujñātaṃ tvayaitad yadasmaddhṛdayakṣetra uptasya darśanabījasya tvadvacanasalilasekena phalamabhivyaktam . tadvivṛṇoti smārayan --nanvasmābhirapyabhihitaṃ pravṛttireva pravṛttiviśeṣaḥ iti, yaducyate vṛtādisāmānyamupādīyamānaṃ gamanādiviśeṣaṃ nivartayatīti tadyujyeta yadi vṛtādisāmānyavyatirekeṇa gamanādiviśeṣaḥ syāt, sa tu sāmānyameva ityuktam . tasmād na sāmānyaṃ viśeṣābhāvādupādīyamānaṃ viśeṣān nivartayitumarhati khapuṣpādiviśeṣāniva . ataḥ pravṛttiviśeṣatvābhāvādubhayatra parihāre viśeṣagrahaṇānarthakyadevadattakriyātva-vṛtādyakriyātvadoṣāstadavasthā eveti . tadupasaṃharati --evaṃ ca kṛtvā pravṛttimātrasyetyādi gatārthaṃ yāvadanarthakamubhayorapi vyākhyāvikalpayoriti . - [Previous: 5.68](https://indike.org/pramana/in.jaina.post.dvadasaranayacakra!simhasuri.5.68) - [Next: 5.70](https://indike.org/pramana/in.jaina.post.dvadasaranayacakra!simhasuri.5.70) - [Up: 5](https://indike.org/pramana/in.jaina.post.dvadasaranayacakra!simhasuri.5) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.5.19) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.5.69](https://indike.org/pramana/in.jaina.post.dvadasaranayacakra!simhasuri.5.69) · Pramāṇa