[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 5.72 # Dvadasharanayacakra 5.72 Nyāyāgamānusāriṇī 5.72 - **Language:** Sanskrit ### [5.72](https://indike.org/pramana/in.jaina.post.dvadasaranayacakra!simhasuri.5.72) atra brūmaḥ--vastunaḥ pravṛttāvityādi yāvad vaidharmyeṇeti . avasitaprayojanamidaṃ vacaḥ, tvayaiva bastupravṛtteḥ sarvapravṛttiviśeṣasahitāyā evābhyanujñātatvād bhāvitatvācca, sambhāvanaiva hi na, vastupravṛttiḥ sarvapravṛttiviśeṣātmiketyatītavicāreṣu vistareṇa caritārthametat . kathaṃ ? viśeṣavān vāgvyavahāro viśeṣāntarapravṛttinivṛttiviṣayo na vastunyatyantanirbhedātmake prabhavati iti bhāvayatā bhavataiva subhāṣitatvāt kimasmābhirvācyaṃ vṛtādīnāṃ pacādīnāṃ vā dhātusaṃjñā prāpnoti na prāpnotīti ? sarveṣāṃ dhātūnāmasmadabhimatapravṛttisāmānyakriyāvacanatvānativṛttervastuvyavahāre śabdavyavahāre veti na kiñcid na prasidhyati . tvayā tu punarasadarthaviṣayatvād bhrāntijñānaṃ śabdārthaviṣayaṃ vyavasthāpitaṃ vastvasaṃsparśādityalaṃ prasaṅgena . - [Previous: 5.71](https://indike.org/pramana/in.jaina.post.dvadasaranayacakra!simhasuri.5.71) - [Next: 5.73](https://indike.org/pramana/in.jaina.post.dvadasaranayacakra!simhasuri.5.73) - [Up: 5](https://indike.org/pramana/in.jaina.post.dvadasaranayacakra!simhasuri.5) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.472) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.5.72](https://indike.org/pramana/in.jaina.post.dvadasaranayacakra!simhasuri.5.72) · Pramāṇa