[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 5.74 # Dvadasharanayacakra 5.74 Nyāyāgamānusāriṇī 5.74 - **Language:** Sanskrit ### [5.74](https://indike.org/pramana/in.jaina.post.dvadasaranayacakra!simhasuri.5.74) dravyaśabdaḥ kiṃsādhano'trābhipreta iti cet, ucyate --dravyamapi bhāvasādhanam, yat tad drūyate kenāpi yo dravati gacchati satataṃ pravartate tasya yad dravaṇaṃ gamanaṃ satatapravṛttiḥ sa bhāvastad bhavanam, tatsādhano dravyaśabdaḥ, kartṛsādhanāvinābhāvibhāvasādhanavyākhyānasya sopapattikasya vistareṇa kṛtatvāt saiva dvyarthatā uktavat, dravyakriyātmakadvyarthatā parasparāvinābhāvinī karaṇādīnāṃ tadavyatiriktasvarūpatvāt sarvatra ghaṭapaṭādibījāṅkurādiṣu ca sarvaikātmyasya subhāvitatvāditi . padārtho dravyakriye uktavat iti vartate . vākyamākhyātaśabda iti, ākhyātaṃ sāvyayakārakavākyamekamiti vākyam,ākhyātaṃ sāvyayakārakaviśeṣaṇaṃvākyamekatiṅ pā॰ vā॰ 2 . 1 . 1 . iti vākyam . tadartha uktaḥ vākyārtha uktaḥ ubhayabhāk dravyakriyādvyātmakavastu bhajate vākyārtha iti vistareṇokto'nena vidhiniyamabhaṅgena naigamaikadeśadravyārthena . - [Previous: 5.73](https://indike.org/pramana/in.jaina.post.dvadasaranayacakra!simhasuri.5.73) - [Next: 5.75](https://indike.org/pramana/in.jaina.post.dvadasaranayacakra!simhasuri.5.75) - [Up: 5](https://indike.org/pramana/in.jaina.post.dvadasaranayacakra!simhasuri.5) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.5.21) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.5.74](https://indike.org/pramana/in.jaina.post.dvadasaranayacakra!simhasuri.5.74) · Pramāṇa