[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 6.58 # Dvadasharanayacakra 6.58 Nyāyāgamānusāriṇī 6.58 - **Language:** Sanskrit ### [6.58](https://indike.org/pramana/in.jaina.post.dvadasaranayacakra!simhasuri.6.58) jātiḥ śabdārtha iti . sarvaśabdānāṃ jātivācitvameva, ākāśādīnāmapi jātivajjātiḥ iti śabdārthaḥ . antyaṃ ca padaṃ vākyārthaḥ . upacārāt . antyaṃ ca padaṃ vākyārthaḥ, yathā devadattaḥ kāṣṭhaiḥ sthālyāmodanaṃ pacati ityatrāntyena pacati-- padavyaṅgyena saha parasparasaṃsargalakṣaṇasyānvayavyatirekavato'rthasya paripūrṇatvāt . sa ca vākyārthaḥ pūrvapadajñānāhitasaṃskārāpekṣo'ntyapadapratyayaḥ, pratyekaṃ padairhi svāṃśārthaviṣayairutpāditāni vijñānāni saṃskāramādadhati, ato'ntyapadajñānaṃ pūrvapadajñānasaṃskāraparipākavaśāt sambandhyantaravyavacchedi parasparasaṃsargaviṣayamupajāyate iti asya nirgamasūtram--imā ṇaṃ bhaṃte . rataṇappabhā puḍhavī kiṃ sāsatā, asāsatā ? gotamā ! siyā sāsatā siyā asāsatā . se keṇaṭṭheṇaṃ bhaṃte ! evaṃ vuccati--siyā sāsatā siyā asāsatatti ? gotamā ! davvaṭṭhayā+e sāsatā, vaṇṇapajjavehiṃ gaṃdhapajjavehiṃ rasapajjavehiṃ phāsapajjavehiṃ saṃṭhāṇapajjavehiṃ sambandho'nvayavyatirekavānantyapadārthavyaktirvākyārtha iti . yathāha— nādairāhitabījāyāmantyena dhvaninā saha . āvṛttaparipākāyāṃ buddhau śabdo'vadhāryate .. vākyapa॰ 1 . 84 iti . sa ca kṛtasaṅgītereva padādiśabdārthajñasya puruṣasya pratyayaheturvākyārthaḥ śabdo vā, nākṛtasaṅgīteḥ, mlecchaprayuktaśabdārthāparijñānavat . - [Previous: 6.57](https://indike.org/pramana/in.jaina.post.dvadasaranayacakra!simhasuri.6.57) - [Next: 6.59](https://indike.org/pramana/in.jaina.post.dvadasaranayacakra!simhasuri.6.59) - [Up: 6](https://indike.org/pramana/in.jaina.post.dvadasaranayacakra!simhasuri.6) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.511-512) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.6.58](https://indike.org/pramana/in.jaina.post.dvadasaranayacakra!simhasuri.6.58) · Pramāṇa