[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 6.64 # Dvadasharanayacakra 6.64 Nyāyāgamānusāriṇī 6.64 - **Language:** Sanskrit ### [6.64](https://indike.org/pramana/in.jaina.post.dvadasaranayacakra!simhasuri.6.64) eṣu ca ṣaṭsu nayeṣu paryavaśabdo bhāvavacanaḥ samantād bhavanāt paryavaḥ sarvātmanā bhavanāt . paryāyaśabdaḥ samantādgativacanaḥ, samantād gamanāt paryāyaḥ, dravyasya varṇādyātmanā parito gamanāt . ayaṃ ca vigrahārthaḥ ṣaṇṇāmapi sāmānyena draṣṭavyaḥ, viśeṣeṇa tu yathādarśanameva vidhyādiṣu pratyekaṃ vyākhyātasvarūpabhedamanugantavyaṃ sarvagatisāmānyamatyajadbhiḥ, sarvasya sarvātmakatvāt ekasya sarvātmakatvāt ekaikasya sarvātmakatvāt sarvasya caikaikātmakatvāt sarvagatimeva yathādarśanamāha . dravyaśabdārthastatra tatra vyākhyāta eva yathādarśanaṃ dravyaprādhānyāt, paryāyopasarjanādihānte paryāyaśabdo vyākhyātaḥ . - [Previous: 6.63](https://indike.org/pramana/in.jaina.post.dvadasaranayacakra!simhasuri.6.63) - [Next: 6.65](https://indike.org/pramana/in.jaina.post.dvadasaranayacakra!simhasuri.6.65) - [Up: 6](https://indike.org/pramana/in.jaina.post.dvadasaranayacakra!simhasuri.6) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.6.13) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.6.64](https://indike.org/pramana/in.jaina.post.dvadasaranayacakra!simhasuri.6.64) · Pramāṇa