[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.102 # Dvadasharanayacakra 7.102 Nyāyāgamānusāriṇī 7.102 - **Language:** Sanskrit ### [7.102](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.102) asya vyākhyānam --atha kathaṃ tantuturyādi yāvat kāraṇakāraṇatvādaṇuvat vaiśeṣikameva pṛcchaṃstenaiva vyākhyāpayati . turyādereva kāraṇatvenopādānaṃ paṭanirvṛttau na pāṃśuvāsyāderiti karaṇādhikāraparigrahādeva satkāryatvaṃ tasyaiva samarthatvāt tathā tathā tena tena prakāreṇa tattanniyatanijaśaktiyuktārthasamarthatvāt, paṭādi kāryaṃ tantuṣu vartate, tantukāraṇeṣu tathāṃśuṣu prakārāntareṇa paṭakāraṇabhāvaṃ bibhratsu, tathā pakṣmatuṭi-reṇu-paramāṇūnāmapi yathāsvaśakti prakārāntaraiḥ paṭakāraṇatvāt pāramparyeṇa tatra tatrāstyeva paṭaḥ tatsamavāyavyaṅgyatvāt tadātmakatvācca . asamavāyipaṭo'pi saṃyogavyaṅgyatvāt saṃyogidravyebhyaḥ saṃyogasyābhinnatvād dvyaṇukatryaṇukādyanantapradeśaskandhasaṃyogatvapariṇatadravyābhedāt ta eva paramāṇavaḥ paṭaḥ, yathā saṃyogiṣu paṭakāraṇeṣu tadātmakatvāt paṭatvaṃ tathā tatkāraṇaparamāṇūnām . tathā turyādiṣvapi, turi-vema-śalākā'ñcanikā-vilekhanikādīnāṃ kuvindaprayatnotthāpitavyāpārāṇāṃ paṭatvaṃ tadātmakatvād dravyābhedāt . pāṃsvādiṣvapi ca bhūmyambumārutānalākāśabījasaṃyoganiṣpādyakarpāsātmakatvāt paṭatvaṃ siddham, tatkāraṇakāraṇatvāt paramāṇuvat . evaṃ tāvat kāryasadasattvapratiṣedho na sidhyati pratiṣedhahetvayukteḥ sadasattvaikātmyasādhanasausthityapradarśanācca sadasadeva kāryamiti . - [Previous: 7.101](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.101) - [Next: 7.103](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.103) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.7.19) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.102](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.102) · Pramāṇa