[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.103 # Dvadasharanayacakra 7.103 Nyāyāgamānusāriṇī 7.103 - **Language:** Sanskrit ### [7.103](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.103) kiñcānyat, yo'pyupacayaheturityādi tena kila sadasattvaniṣedhaṃ kṛtvā kāryāsattvasādhanārthamupacayaheturuktaḥ, tadyathā--prāg niṣpatteśca kāryasyābhāvāt . katham ? iti taducyate --kriyā-guṇa-vyapadeśābhāvāt . kriyā tvaktrāṇādikā paṭasya tantvavasthāyāṃ guṇāśca saṃyogapariṇāmādayaḥ vyapadeśaśca śabdāntaraṃ liṅgaṃ vā na santi, tasmāt kriyāguṇavyapadeśābhāvāt prāgutpatterasat kāryaṃ khapuṣpavaditi . asyāpyupacaya vat' iti asyāpi viruddhatvam, sadeva bhavati kāryam, prāgabhūtakriyāguṇavyapadeśatvāt, sattā'sambandhidravyādivat . anaikāntikatā ca, asati ca khapuṣpādau satica jātamātre kāryatraye dṛṣṭatvāt . nanu khapuṣpavadanekāntaḥ, na, prāgviśeṣaṇāpakṣiptaprasaṅgatvāt . nanu... ...sadeva tu dravyaṃ na kāryam . nanu niṣpattiḥ... .... niṣpattiśabdo hi... .... prabhūtasya triprakārā niṣpattiḥ niyatā niścitā adhikā vā bhavanameva hetorviruddhatvaṃ doṣa ityācārya āha . ayameva te upacayahetuḥ parapakṣasādhanāya, sadeva bhavati kāryaṃ jāyate vyajyata utpadyate, prāgabhūtakriyāguṇavyapadeśatvāt, sattā'sambandhidravyādivat, saviśeṣaṇaṃ svapakṣasādhanaṃ vedam . yathā dravyaguṇakarmākhyaṃ kāryatrayaṃ svabhāvasat tvanmatenaiva yāvat sattayā na sambaddhaṃ tāvat kriyāguṇavyapadeśabhāg na bhavati atha ca vidyate svakāraṇeṣu samavetamātraṃ tathedaṃ samavetakāryamityasmanmatasiddhiḥ . anaikāntikatā ca kriyā-guṇa-vyapadeśābhāvāt ityasya hetorasati ca khapuṣpādau sati ca jātamātre kāryatraye dṛṣṭatvāt asadeva iti sandigdham . - [Previous: 7.102](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.102) - [Next: 7.104](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.104) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.576) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.103](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.103) · Pramāṇa