[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.136 # Dvadasharanayacakra 7.136 Nyāyāgamānusāriṇī 7.136 - **Language:** Sanskrit ### [7.136](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.136) yadapyuktam--atadātmatvādityādi asattātmakatvād dravyaguṇakarmaṇāṃ sadabhidhānapratyayau sattāyogāt, na svata iti . tadapi na, atadātmakatvādityādiranaikāntikatvāt anaikāntikatvapratipādanārtho grantho yāvad dravyatvādivaditi . tasya bhāvanā --dravyatvādīnāmatādātmye dravyatvaguṇatvakarmatvaghaṭatva svataḥ' iti, tadapi na, atadātmakatvāt...dravyatvādivat . dravyatvādīnāmatādātmye svataḥ sadabhidhānapratyayau, ekaikatvāt, ātmavat, dravyatvādiṣu svato bhavantyāḥ sattāyāḥ sadabhidhānaṃ dṛṣṭamevaṃ dravyādīnāmapi svata eva . sattāsambandhābhāve'pi asaṅkhyayorapi guṇatvakarmatvayorekābhidhānapratyayavat sadabhidhānapratyayau dravyatvādiṣvaupacārikau syātāmiti cet, dravyādiṣvapyaupacārikau syātāṃ tulyatvāt . manuṣyasiṃhatvādivat tathā añjasā anupapatterneti cet, tataste svapakṣe eva doṣavidhānam . yadi tu... ... .... etat punaḥ sa eva praṣṭavyaḥ . yat punaridamucyate--sattāyāṃ siddha iti cet,...ātmānamātmanā na yuktama- rūpatvotkṣepaṇatvādīnāṃ sāmānyaviśeṣāṇāmasattātmakatve svataḥ sadabhidhānapratyayau, na sattātaḥ . kasmāt ? ekaikatvāt . ekameva dravyatvaṃ sarvadravyeṣu, dravyatvāntarāniṣṭeḥ tatra sattāyogo neṣyate, anupravṛttyabhāvāt . tathāpi ca sat ityabhidhīyate pratīyate ca, evaṃ guṇatvādīnyapi . tasmādekaikatvāt svataḥ sattvamātmavat sattāvadityarthaḥ, sa ca dṛṣṭāntaḥ svato dravyatvādibhavane . tasya varṇanā --dravyatvādiṣu bhinneṣu svato bhavantyāḥ sattāyāḥ ekasyāḥ sadabhidhānaṃ dṛṣṭamevaṃ dravyādīnāmapi svata eveti sādhanenopapādito'rthaḥ . - [Previous: 7.135](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.135) - [Next: 7.137](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.137) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.596) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.136](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.136) · Pramāṇa