[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.144 # Dvadasharanayacakra 7.144 Nyāyāgamānusāriṇī 7.144 - **Language:** Sanskrit ### [7.144](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.144) yadapi cetyādi . niṣṭhāyāḥ sambandhasya ca sattayaikakālatvapratipādanārthaṃ samavāyasyaikatvādekaḥ sambandhaikatvāt padārthasaṅkaraprasaṅgaḥ iti, sa tadavastha eva, bahūnāṃ sambandhināmekasambandhabhāvāt, vāgādigavādyabhidhānavat vyavasthānābhāvāt sarvasya sarvā- kālaḥ ityuktvā punaratra yo doṣaścoditaḥ saṅkaraprasaṅgaḥ iti sa tadavastha eva duṣparihāraḥ . bahūnāṃ sambandhināmekasambandhabhāvāditi hetuḥ, bahavo hi sambandhina ekasambadhībhūtāḥ, tatasteṣāṃ saṅkaraḥ, vāgādigavādyabhidhānavat, yathā gauḥ ityukte vāg-dig-bhū-raśmyādibhirekasya gośabdasya vāgādiśabdaparyāyatvāt tattadātmāsau tattadarthapratipādanāt tattatsambandhāt amuṣyaivedaṃ sambandhi iti nirdhārya vyavasthāpayitumaśakyatvāt sarveṣāṃ daśānāmiṣṭaḥ kāraṇakāryādhāraḥ samavāyo'pi tathādheyo dravyatveneva guṇatvakarmatvā This page consists merely of footnotes. bhidhānapratyayau syātām, padārthalakṣaṇavyavasthānābhāvāt ṣaṭpadārthanivṛttirvā . katham ? samavāyasyaikatvād dravyatvena guṇakarmaṇoḥ sambandhād dravyabhāvaḥ, guṇakarmabhāvayorhāniḥ . tattvaviśeṣaṇabhedāddhi tadbhedaḥ syāt, chatridaṇḍivat . dibhiśca sambandha ihaliṅgāviśeṣād viśeṣaliṅgābhāvāccaikaḥ samavāyaḥ, tasmād dravyatvasambandhād yathā dravye dravyabuddhiṃ tathā guṇe karmaṇi ca dravyabuddhiṃ kuryāditi sarvasya sarvābhidhānapratyayau syātāmiti sāmānyena saṅkaradoṣa uktaḥ . - [Previous: 7.143](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.143) - [Next: 7.145](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.145) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.600) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.144](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.144) · Pramāṇa