[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.146 # Dvadasharanayacakra 7.146 Nyāyāgamānusāriṇī 7.146 - **Language:** Sanskrit ### [7.146](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.146) kāryakāraṇetyādi . kāraṇamādhāraśca dravyam, ādheye kārye ca guṇakarmaṇī, tayorbhinnayoḥ kāryakāraṇayorādhārādheyayośca samavāyāt tau guṇakarmabhāvau bhaviṣyata iti cet evaṃ cenmanyase, mā maṃsthāḥ, atrottaram --tayorguṇakarmaṇorityādi yāvat prathamadravyabhāvanivṛttiriti tāvadupadeśavacanam, uparitano granthastadvyākhyā, guṇakarmaṇorguṇakarmabhāvanivṛttidvāreṇa dravyasya dravyabhāvanivṛttirākhyāyate . tadyathā--ya uktaḥ kāryakāraṇādhārādheyasamavāyastasyaivaikatvāt yo dravyabhāvena guṇakarmaṇoḥ samavāyaḥ sa ekastena dravyeṇa sambandhāt te guṇakarmaṇī dravyamevaikaṃ karoti, tato guṇakarmaṇī nivartete, tannivṛttau dravyamāśrayyabhāvād nāśrayo na ca kāraṇaṃ samavāyināṃ guṇakarmaṇāmabhāvāt, tato dravyasya dravyalakṣaṇaṃ nāsti kriyāvad guṇavat samavāyikāraṇam vai॰ sū॰ 1 . 1 . 14 iti, kriyāguṇābhāvād na dravyaṃ tadvat . - [Previous: 7.145](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.145) - [Next: 7.147](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.147) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.7.31) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.146](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.146) · Pramāṇa