[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.147 # Dvadasharanayacakra 7.147 Nyāyāgamānusāriṇī 7.147 - **Language:** Sanskrit ### [7.147](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.147) na guṇakarmāṇi tathālakṣaṇānīti,itiśabdo hetvarthe, yasmād na santyeva tādṛglakṣaṇāni guṇakarmāṇi teṣāmāśrayiṇāṃ samavāyināmabhāvāt tannivṛttau dravyasyāpi dravyabhāvanivṛttiḥ, guṇavat yacca 'na, bahūnāmekatvāt . bahūnāṃ dravyādīnāmekaḥ samavāyaḥ, na tu dvayordvayoḥ... ... ... samavāyikāraṇaṃ kriyāvadadravyamanekadravyaṃ vā dravyaṃ syāt, taccetthaṃ nādravyaṃ nānekadravyaṃ sambhavati . tasmād guṇakarmaṇāṃ guṇakarmabhāvanivṛttau dravyabhāvasambandhe sati guṇakarmaṇāmanāśrayatvād dravyasya dravyabhāvanivṛttiriti dravyapadārthanivṛttiruktā . athavā tvadiṣṭena dravyatvena sarvagatena sambandhe sati guṇasya karmaṇo vā dravyaṃ dravyatvena sambaddhamiti dravyībhāvaḥ, tadbhāvād guṇakarmaṇī na dravyāśrite, tato dravyalakṣaṇāyukterdravyabhāvanivṛttiḥ, kiṃ dravyalakṣaṇamiti cet, ucyate --kriyāvad guṇavat samavāyikāraṇam vai॰ sū॰ 1 . 1 . 14 iti, tattu kāryakāraṇādhārādheyasamavāyasyaikatvād guṇakarmaṇordravyībhūtatvāt kriyāvadādilakṣaṇaṃ nāsti, yasmād na tu guṇakarmāṇi tathālakṣaṇānīti guṇasya dravyāśrayyādilakṣaṇatvāt ekadravyādilakṣaṇatvāt karmaṇaḥ . evaṃ svalakṣaṇābhāvāpekṣā dravyasya dravyabhāvanivṛttirguṇakarmalakṣaṇāyukteriti . tataśca dravyasyāpītyādi āśrayābhāvād guṇakarmābhāvamāpādya āśrayyabhāve'pi dravyasyāśrayasyābhāva iti gatārtham . evaṃ guṇakarmaṇorapi guṇakarmalakṣaṇāvyavasthānād guṇakarmabhāvanivṛttiruktā veditavyā . evaṃ tāvad dravyaguṇakarmaṇāṃ vyavasthitalakṣaṇābhāvād nivṛttiḥ . - [Previous: 7.146](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.146) - [Next: 7.148](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.148) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.603) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.147](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.147) · Pramāṇa