[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.152 # Dvadasharanayacakra 7.152 Nyāyāgamānusāriṇī 7.152 - **Language:** Sanskrit ### [7.152](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.152) yattvidamityādi paroktameva granthamatidiśati yāvajjñānamityādi, dravyādīnāmādhārāṇāṃ dravyatvādibhirādheyaiḥ parasparavyatiriktairviśeṣaṇairniyamo bhavati svatattvānurūpapratyayotpatteriti . atrocyate --anena svapakṣe pratyakṣavirodha udgrāhyate tvayā . katham ? na hītyādinā bhāvayati, hiśabdo hetvarthe, yasmāt samavāya ekastasmād dravyādidravyatvādibhiraviśiṣṭatvād vyatireko niyamaśca nāsti, ato dravyeṣveva dravyam iti jñānaṃ na syāt . tasya vyākhyā --evamityādi, evaṃ te samavāyaikatve dravyeṣvapi guṇajñānaṃ syādaviśiṣṭatvād guṇeṣviva . apiśabdāt karmasvapi . kiṃ kāraṇam ? guṇajñānakāraṇatvāt samavāyasya, kimiva ? guṇavaditi, guṇeṣviva guṇavat iti sādhanam . - [Previous: 7.151](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.151) - [Next: 7.153](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.153) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.7.34) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.152](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.152) · Pramāṇa