[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.157 # Dvadasharanayacakra 7.157 Nyāyāgamānusāriṇī 7.157 - **Language:** Sanskrit ### [7.157](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.157) āha --nanu sarvagatatvādityādi . samavāyasya sarvagatatvāt svatattvenāpi sambandho'sti, dravyasya dravyatvaṃ svatattvam, evaṃ śeṣayorapi śeṣadvayam . sarveṇa saha samavāyasadbhāvāt svenāpi tattvena sambandhāt tadbhāvastattvaṃ dravyabhāvo guṇabhāvaḥ karmabhāvo vā sidhyatīti . atrocyate --nanvata eva saṅkara ucyate paratattvenāpi sambandhādatattvamapīti . iti hetvarthe, yasmāt paratattvenāpi sambandhastasmāt tadbhāvo'pi atadbhāvo'pīti saṅkaradoṣāvimokṣaḥ, apiśabdena tvaduktenaiva samarthitatvāt . kiñcānyat, doṣopacayaśca, evaṃ yadapi uktaṃ... ... ...tadapi naiva, kuṇḍadadhyādhārādheyabhāvasamavāyānāmapyekatvāt . samavāyanimittasya tattvasya svavṛttipratilambhādeva lokasiddhivad bhedabhāvāt kārakaśaktita eva tu kuṇḍadadhnoḥ saṃyogaikatve'pyādhārādheyaniyamaḥ . yathā ca svaviṣayetyādi . svaviṣayasarvagatāni hi tattvānīṣyante tatsamavāyasya sarvagataikatvābhyāṃ tānyadhunā sarvagatāni prāptāni, tato'bhyupagamavirodho jāyata iti śeṣapadārthābhāva ucyate, ato dravyaguṇakarmaṇāmityādi prāktana eva grantho yāvat karmasu karmajñānamiti . tatra vyavasthitalakṣaṇānāmabhāvāt iti lakṣaṇābhāvadvāreṇa nirākaraṇam, iha tu vyavasthitānāmabhāvāt iti saha tattvairlakṣaṇaiśca teṣāṃ nirākṛtatvāditi viśeṣaḥ ādheyajñānabhedanimittaniyamanirākaraṇadvāreṇa ceti . - [Previous: 7.156](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.156) - [Next: 7.158](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.158) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.612) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.157](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.157) · Pramāṇa