[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.159 # Dvadasharanayacakra 7.159 Nyāyāgamānusāriṇī 7.159 - **Language:** Sanskrit ### [7.159](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.159) yadyasaṅkareṇa niyamena cārthaḥ vayameva spaṣṭataraṃ brūmaḥ, tadyathā --samavāyanimittasyetyādi . samavāyasya yad nimittaṃ tattvaṃ kuṇḍadadhnoḥ kuṇḍatvaṃ dadhitvaṃ ca tasya svata evātmapratilambhaḥ, tayośca lokasiddhivad tvamevāttha na samānatvāt iti tathehāpi samānamuttaram--samavāyaikatve'pi kārakaśaktereva niyamabhedaḥ .... ... ...kasmiṃścideva . yattūcyate--vyaṅgyavyañjaka... ...na saṅkaraprasaṅgaḥ iti, etacca vyaṅgyavyañjaka ...asaṅkaraḥ syādevam . samavāyasya... .... tathā yadi ya eva... ...guṇakarmabhāvavinivṛttiriti sarvaṃ sarvavikalpaṃ prapañcanīyaṃ yathāsvārtham . bhedaḥ svavṛttipratilambhādeva, tvanmate'pyākāśakālayoriva dadhikuṇḍayorlokena pratipanno bhedo nārthāntarāt tathā tato vayamapi lokaviruddhaṃ mā vocāmeti lokasiddhivad bhedabhāvāt kārakaśaktita eva tu pratipadyate bhedasiddhiṃ saṃyogapariṇāmakṛtaṃ sadapyaikyamanādṛtya tayoḥ saṃyogaikatve'pyādhāraśaktiḥ kuṇḍasya ādheyaśaktirdadhna iti niyamamasaṅkīrṇamācakṣmahe . asyārthasya bhāvanāgrantho gatārtho yāvadādhārādheyaniyama iti . avaśyaṃ caitadevam, tvayā samavāyamapi kalpayitvaitadeva pratipattavyam; tvadvacanaprāmāṇyādeva . yathā tvamevāttheti saṃyogaikatve'pi kārakaśaktita eva kuṇḍadadhnorādhārādheyaniyamo bhinna ityuttaramāttha . kiṃ taduttaramiti cet, ucyate --na, samānatvāditi, tathehāpi samānamuttaram --samavāyaikatve'pi kārakaśaktereva niyamabhedaḥ . tadvyākhyā gatārthā yāvat kasmiṃścideveti . - [Previous: 7.158](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.158) - [Next: 7.160](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.160) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.613) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.159](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.159) · Pramāṇa