[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.160 # Dvadasharanayacakra 7.160 Nyāyāgamānusāriṇī 7.160 - **Language:** Sanskrit ### [7.160](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.160) yattūcyate--vyaṅgyavyañjaketyādi . vyaṅgyavyañjakatvabhedāt dravyadravyatvādīnāṃ bhedo ghaṭapradīpavaditi parihārāntaraṃ gatārthaṃ yāvad na saṅkaraprasaṅga iti vaiśeṣikasya . ācāryavacanaṃ tu etacca vyaṅgyavyañjaketyādi, syādetadevam yadi dārṣṭāntikasya dravyadravyatvādervyaṅgyavyañjakabhāvaḥ pradīpaghaṭadṛṣṭāntavat pṛthak siddhaḥ syāt, na tu tadātmabhedaniyamaḥ siddhaḥ, siddhe hi tadādhārādheyabhedaniyamo'pi syāt, tadarthodbhāvanaṃ yāvadasaṅkaraḥ syādevamiti . tasya hetorasiddhipratipādanārthaṃ cāha --samavāyasyetyādi, uktottaramevaitat, ādhārādheyabhedaniyamābhāvasya tulyatvād dṛṣṭāntasādharmyaṃ na bhajata etaditi prāg vistareṇa vyākhyātārthatvāt . tadeva smārayati --tathā yadi ya evetyādi yāvad guṇakarmabhāvavinivṛttiriti sarvaṃ sarvavikalpaṃ prapañcanīyamiti pūrvoktārthātideśaḥ . ā kutaḥ ? iti cet, ucyate--asmād granthāvadheḥ . yathāsvārthamiti yo yaḥ svārtho yathāsvārthaṃ dravya-guṇa-karma-dravyatva-guṇatva-karmatvasaṃyogāvyavasthānacakrakāṇyeva vyākhyeyāni pūrvavaditi . - [Previous: 7.159](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.159) - [Next: 7.161](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.161) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.613) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.160](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.160) · Pramāṇa