[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.177 # Dvadasharanayacakra 7.177 Nyāyāgamānusāriṇī 7.177 - **Language:** Sanskrit ### [7.177](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.177) evaṃ tāvad bhāvaikāntapakṣavyāvartanadvāreṇābhāvasahito bhāva uktaḥ, ataḥ paramabhāvaikāntapakṣavyāvartana- dvāreṇa bhāvasahita evābhāva ityetat pratipādayiṣyate --yadyevamityādi abhāvaikāntavādinaṃ bhāvaikāntavādī parito bhavanābhāvāt khapuṣpavat . nanu paritaḥ paṭādāvabhavanneva kaṭaḥ sidhyati . nanu paritovacanena svātmano'pyabhavanamuktaṃ bhavati . tathā... ...asattvaṃ pakṣadharmo'narthatvaikānte, paṭaḥ kaṭādirna bhavati nāpi rūpādiḥ . nanu parito'pyabhavanameva sādhayati bhāvamapi . kaṭo'pi kaṭa iti bhavanneva ghaṭapaṭau na bhavati . na, guṇaḥ ityabhavanāt . nanu guṇo'pi guṇaḥ iti bhavanneva kaṭapaṭau na bhavati . na, dravyam ityabhavanāt . yadi na bhavatyeva... ...ghaṭa iti bhavati . nanvevam... ... ...parasparāvabaddhanaudvayavat . na, vyavasthitopakārisvarūpatvāt, upālabhate, yadi ghaṭo bhavati ityukte'pyabhāva evokto bhavati paṭo na bhavati iti tarhi bhavati ityukte'pi na bhavati nārthaḥ ityevoktaṃ bhavatīti prāptam . sādhanamapyatra parito bhavanābhāvāt khapuṣpavaditi . syānmatam --nanu paritaḥ paṭādāvabhavanneva kaṭaḥ sidhyati, tasmādanaikāntika iti cet, na, vipakṣābhāvāt, nanu paritovacanenetyādi, paritovacanaṃ sarvatrārtham, tena svātmano'pyabhavanamuktaṃ bhavati, tasmād nānaikāntikatā . tathetyādirasya nyāyasya prāptipradarśanārtho daṇḍako yāvadasattvaṃ pakṣadharmo'narthaṃtvaikānta iti prāgvyākhyāto'rthaḥ kaṇṭhaḥ kapāle nāstītyādi, tasya nidarśanam paṭaḥ kaṭādirna bhavati nāpi rūpādiriti, aniṣṭaṃ caitat . - [Previous: 7.176](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.176) - [Next: 7.178](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.178) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.623) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.177](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.177) · Pramāṇa