[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 7.189 # Dvadasharanayacakra 7.189 Nyāyāgamānusāriṇī 7.189 - **Language:** Sanskrit ### [7.189](https://indike.org/pramana/in.jaina.post.dvadasaranayacakra!simhasuri.7.189) athocyeta pakṣadvayānāśrayaṇena parihārasamarthaṃ matvā pakṣāntaraṃ saṃśritya satyaṃ prāgabhūta idānīṃ kriyate, kriyamāṇaśca bhavatīti . atrāpi bhūtābhūtatvavikalpadvayānativṛttiḥ, yadyabhūto na tarhi kumbhaḥ saḥ, paṭādivat kumbhatvenābhūtatvād na kriyate nāpi kumbhaḥ iti vaktavyaḥ . bhūtatve'pi paṭādivacca sānnidhye kṛtakaraṇavaiyarthyād na kriyate . athābhūto'pi piṇḍādiḥ svapakṣe rāgād lokānuvṛttyā vā kumbha ucyate pṛthivyapi te kumbha iti prāptā kumbhatvenābhūtatvāt tvadiṣṭakriyamāṇakumbhavat . tataśca kriyā'bhāvaḥ, pṛthivyarthakriyāvaiyarthyavat kumbhārthakriyāyā abhāvaḥ . tad bhāvayati --na ca kasyāñcidapyavasthāyāmityādi yāvat kriyeti . dravyataḥ sarvapradeśātmakasya paramāṇumātre'varuddhatvānna kriyā, dravyāntare tvabhāvādabhāvaḥ . kṣetrato budhnamadhyordhvādibhāgāvaṣṭabdhakṣetravāditvāt katamo ghaṭaḥ kriyate ? kālataḥ pratikṣaṇamanyānyapradeśaspandāvarodhāt, bhāvataḥ sarvasaṃsthānarūpādisamāhārātmakatve ghaṭasya bhāvaṃ bhāvaṃ prati pṛthaktvāt kā kriyā ? yasmāt kriyamāṇameva tu kriyate mṛdāharaṇādīti caturdhāpyetadudāharaṇam . - [Previous: 7.188](https://indike.org/pramana/in.jaina.post.dvadasaranayacakra!simhasuri.7.188) - [Next: 7.190](https://indike.org/pramana/in.jaina.post.dvadasaranayacakra!simhasuri.7.190) - [Up: 7](https://indike.org/pramana/in.jaina.post.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.7.47) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.7.189](https://indike.org/pramana/in.jaina.post.dvadasaranayacakra!simhasuri.7.189) · Pramāṇa