[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 7.191 # Dvadasharanayacakra 7.191 Nyāyāgamānusāriṇī 7.191 - **Language:** Sanskrit ### [7.191](https://indike.org/pramana/in.jaina.post.dvadasaranayacakra!simhasuri.7.191) etadudāharaṇaṃ nirvartyaghaṭādikarmaviṣayāsu karaṇapacanādikriyāsu, vikāryapalālādiviṣayāṣu ca dahanādikriyāsu, sarvāsvapi tāsveṣaiva vārtā--nāsti kācit kriyeti . grāmaṃ gacchati ityādiprāpyakarmikāsu kathamiti cet, prāpyakarmakriyāsvapi ca kāsuciditi gacchatipravrajatyādiṣu bhāvitam, kāsucit tu himavadādityaśravaṇadarśanādiṣu yadyapi naiṣā vārtā, śabdaghaṭaśravaṇadarśanādiṣveṣaiva vārtā . kiñca, kṛta-dagdhagatādiśabdaiśca ktapratyayāntairyāḥ kriyā ucyante tāsāṃ niṣṭhitatvād bhūtakālavihitatvācca ktasya kiñcinniṣṭhitaṃ kiñcidaniṣṭhitaṃ mṛtpalālādi karma iti kṛtākṛtatvānupapatteḥ sutarāṃ prayogābhāva iti suṣṭhūcyate --yathā loko vadati na tathā ghaṭata iti . - [Previous: 7.190](https://indike.org/pramana/in.jaina.post.dvadasaranayacakra!simhasuri.7.190) - [Next: 7.192](https://indike.org/pramana/in.jaina.post.dvadasaranayacakra!simhasuri.7.192) - [Up: 7](https://indike.org/pramana/in.jaina.post.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.630) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.7.191](https://indike.org/pramana/in.jaina.post.dvadasaranayacakra!simhasuri.7.191) · Pramāṇa