[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 7.193 # Dvadasharanayacakra 7.193 Nyāyāgamānusāriṇī 7.193 - **Language:** Sanskrit ### [7.193](https://indike.org/pramana/in.jaina.post.dvadasaranayacakra!simhasuri.7.193) evaṃ tarhi śabdārthavyavahārahāniriti cet, na ityucyate, asti śabdārthasaṃvyavahāraḥ saṃjñāsaṃjñi atra cānyāpohaḥ śabdārthaḥ . āha hi--śabdāntarārthāpohaṃ hi svārthe kurvatī śrutiḥ abhidhatte ityucyate . sambandhasanniveśātmakaḥ . bhrūkṣepādivattu akṣinikocaiḥ pāṇivihārairbhrūkṣepādibhiścāṅgavikāraiḥ svābhiprāyasūcanaṃ kṛtasaṅketānāṃ kriyate, abhipretārthaparyāyamātratvāt tāsāṃ kriyāṇām, tathā śabdasyāpi abhidheyābhimatārthaparyāyamātraparamārthatvāt tadarthapratipattyupāyaḥ śabdo bhrūkṣepādivat . saṃjñā saṃjñaiva saṃjñāpanāt . na vācakaḥ śabdaḥ, puruṣāṇāṃ kṛtasaṅketānāṃ pratipattyupāyaḥ, akṛtasaṅketānāṃ tu śabdagaḍumātrasampratyayanimittatvāt . yathoktam— vikalpayonayaḥ śabdā vikalpāḥ śabdayonayaḥ . teṣāmatyantasambandho nārthāñ śabdāḥ spṛśantyapi .. iti . evaṃ vastuno bhāvābhāvātmakasyānirdeśyatvāt paramārthasyāvācakaḥ, saṃvṛtisatastu vyavahārasya vācaka ivopalakṣaṇabhūtaḥ śabdaḥ . - [Previous: 7.192](https://indike.org/pramana/in.jaina.post.dvadasaranayacakra!simhasuri.7.192) - [Next: 7.194](https://indike.org/pramana/in.jaina.post.dvadasaranayacakra!simhasuri.7.194) - [Up: 7](https://indike.org/pramana/in.jaina.post.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.631) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.7.193](https://indike.org/pramana/in.jaina.post.dvadasaranayacakra!simhasuri.7.193) · Pramāṇa