[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 7.194 # Dvadasharanayacakra 7.194 Nyāyāgamānusāriṇī 7.194 - **Language:** Sanskrit ### [7.194](https://indike.org/pramana/in.jaina.post.dvadasaranayacakra!simhasuri.7.194) atra cetyādi . nayamatena vastusvarūpaṃ śabdārthasambandhaṃ cāvadhārya śabdārtho'dhunāvadhāryate --atra ca vidhiniyamavidhiniyamabhaṅge'nyāpohaḥ śabdārthaḥ . yasmādāha --śabdāntarārthetyādi, śabdādanye śabdāḥ śabdāntarāṇi, teṣāmarthānapohate ghaṭaśabdaḥ paṭādiśabdānāṃ svato'nyeṣāṃ vyavahārānupātāt . svārthe kurvatī śrutiḥ iti vacanena bhāvābhāvātmakamarthaṃ darśayati . abhidhatte ityucyata iti, na paramārthato'bhidhatte'rthātmano'nabhilāpyatvāt saṃjñāparamārthatvāt abhidhatte ivābhāti lakṣayan saṅketavaśādarthamiti eṣa padārthaḥ . pratibhā ca vākyārthaḥ . vākyārthastarhi kaḥ ? ucyate --pratibhā ca vākyārthaḥ . śabdābhyāsavāsanājanitā'rtheṣu pratibhā vākyebhyo jāyate tiraścāṃ manuṣyāṇāṃ ca yathābhyāsaṃ svajātiniyatā svapratyayānukāreṇa śūra-kātarādīnāmiva ayamṛjusūtradeśatvāt paryāyāstikaḥ . vyāghrādiśabdaśravaṇāt kopa-harṣa-bhayādinimittetyādi yathāvadanugantavyam . vākyārthapratipattyupāyaḥ padārtho'san vākyādapoddhṛtya utprekṣayā vyākhyāyate . - [Previous: 7.193](https://indike.org/pramana/in.jaina.post.dvadasaranayacakra!simhasuri.7.193) - [Next: 7.195](https://indike.org/pramana/in.jaina.post.dvadasaranayacakra!simhasuri.7.195) - [Up: 7](https://indike.org/pramana/in.jaina.post.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.632-633) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.7.194](https://indike.org/pramana/in.jaina.post.dvadasaranayacakra!simhasuri.7.194) · Pramāṇa