[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 7.197 # Dvadasharanayacakra 7.197 Nyāyāgamānusāriṇī 7.197 - **Language:** Sanskrit ### [7.197](https://indike.org/pramana/in.jaina.post.dvadasaranayacakra!simhasuri.7.197) kimetāḥ svamanīṣikā ucyante, āhosvidasya nayasya nibandhanamastyārṣam ? iti, asti ityucyate, paramāṇupoggalāle, siyā ṇo ātā . se keṇaṭṭheṇa bhaṃte ! evaṃ vuccati--siyā ātā paramāṇupoggale siyā ṇo ātā ? gotamā ! appaṇo ādiṭṭhe ātā parassa ādiṭṭhe ṇo ātā bhagavatīsū॰ 12 . 10 . 469 . iti saptamo'ra ubhayobhayabhaṅgaḥ . upanibandhanamapyasya yato nirgamastadastyārṣam . tadyathā --ātā bhaṃte ! poggale ityādi . pudgalānāmātmā svarūpaṃ no ātmā pararūpamiti bhāvābhāvau vidhiniyamāviti praśno gautamasya indrabhūtergaṇadharasya . vyākaraṇaṃ bhagavānāha --gautama ! siyā ātā paramāṇupoggalāle siyā ṇo ātā, bhavatyapi na bhavatyapi . se keṇaṭṭheṇetyādi kāraṇapraśnaḥ . evamiti syācchabdārthaṃ pratyuccārayati . kenārthena syādātmā paramāṇupudgalaḥ, syānno ātmā ? iti vivṛṇoti tameva . ko niścaya iti praśnaḥ . bhagavānāha --gotamā ! appaṇo ādiṭṭhe ātā ātmanā svarūpeṇa ādiṣṭe arpite vivakṣite ātmā bhāvo vidhiḥ svarūpam . parassa ādiṭṭhe ṇo ātā, parasya ādiṣṭe no ātmā avṛttirabhāvo niyama iti . tathā dvipradeśikādiskandhāḥ ākāśādyastikāyā ghaṭapaṭādayaścārthā yathā vistaraśo vyākhyātamiti . - [Previous: 7.196](https://indike.org/pramana/in.jaina.post.dvadasaranayacakra!simhasuri.7.196) - [Next: 7.198](https://indike.org/pramana/in.jaina.post.dvadasaranayacakra!simhasuri.7.198) - [Up: 7](https://indike.org/pramana/in.jaina.post.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.635) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.7.197](https://indike.org/pramana/in.jaina.post.dvadasaranayacakra!simhasuri.7.197) · Pramāṇa