[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 7.52 # Dvadasharanayacakra 7.52 Nyāyāgamānusāriṇī 7.52 - **Language:** Sanskrit ### [7.52](https://indike.org/pramana/in.jaina.post.dvadasaranayacakra!simhasuri.7.52) tatra viśeṣasadbhāvastāvadāhatya bherīmabhyupagataḥ sarvatra kāraṇasāmagryaniyāmakasadbhāvāt pratiniyataḥ sāmānyaviśeṣasambandho draṣṭavyaḥ ityupasaṃhāravacanāt . tadupavarṇanadvāreṇa cāviśeṣo'pi abhyupagataḥ iti vartate . tulyajātīyasaṃyogārabhyakāryatvāviśeṣasya dravyatvanilayanaviṣayaviśeṣaṇavarṇanadvāreṇa guṇārabdhaguṇāntaraviṣayanilayanaguṇatvavarṇanadvāreṇa gurutvādyārabdhatadāśrayāśrayāntarasamavetakarmaviṣayakarmatva śeṣaviśeṣaṇavinirmuktamapi na bhavati' ityetadapi tvayaiva bhāvitam, tulyajātīyāvayavasaṃyogādibhinnāviśeṣaviśiṣṭavastusvatattvapradarśanādasti hi... ...netarad netaratra . punarapi ca kāraṇasāmagryā aviśeṣeṇa yogādabādiṣvapi tulyajātīyādyavayavasaṃyogādapi dravyatvaṃ bhāvitam . etena pṛthivyādibhinna... ...dravyatvamuktam . tulyajātibhede'pi ca aviśeṣaviśeṣaṇāvinirmuktatvaṃ vastunaḥ, dvayorbahuṣu vā iti vacanāt . nilayanadvāreṇa ca sarvadravyaguṇakarmaṇāṃ niyataviṣayasvajātigataviśeṣavarṇanādaviśeṣo'pyāhatya bherīmabhyupagata iti draṣṭavyam . tasmāt kāraṇagataviśeṣāviśeṣakṛtātiśayādeva kāryagataviśeṣāviśeṣaviśeṣaṇasambandhisiddhiḥ . evaṃ tāvad viśeṣaṇavarṇanadvāreṇoktam . - [Previous: 7.51](https://indike.org/pramana/in.jaina.post.dvadasaranayacakra!simhasuri.7.51) - [Next: 7.53](https://indike.org/pramana/in.jaina.post.dvadasaranayacakra!simhasuri.7.53) - [Up: 7](https://indike.org/pramana/in.jaina.post.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.548) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.7.52](https://indike.org/pramana/in.jaina.post.dvadasaranayacakra!simhasuri.7.52) · Pramāṇa