[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.56 # Dvadasharanayacakra 7.56 Nyāyāgamānusāriṇī 7.56 - **Language:** Sanskrit ### [7.56](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.56) kiñcānyat, jātikalpanāvaccetyādi . yathā bhavatā jātiranyānākāṅkṣā vastumātre vṛttena prakāśena svata eva prakāśate tathā kāraṇasamavetadravyādītyetasyārthasya pradarśanārthaṃ yaduktam--vastumātramāvirbhūtamiti, uktavad niyāmakatayeti sarvatra kāraṇasāmagryaniyāmakasadbhāvādityanenoktanyāyena svenaiva mahimnā vastu niyatatvād viśeṣaṇena dravyatvādinā sambadhyate . tacca dravyatvādi aviśeṣaviśeṣavṛttimātraṃ sāmānyaviśeṣaḥ, aviśeṣeṇa prāguktena viśeṣeṇa ca vṛttiryasya tadidamaviśeṣaviśeṣavṛtti dravyatvādi, tatparimāṇaṃ tanmātram, tenāviśeṣaviśeṣavṛttimātreṇa sāmānyaviśeṣeṇa sambadhyate vastumātraṃ tadāvirbhūtamiti . tataḥ kim ? iti cet, tata etadāpannam--svata eva vṛttaṃ vastu dravyādipratyayatvādinā sambadhyate viśeṣaṇaṃ vyatiriktamanapekṣya siddhaṃ prakāśate svata eva, prakāśāntareṇa nārtha ityuktaṃ bhavati . kiñcānyat, tasmādeva tvityādi . uktādeva nyāyāt sāmānyasyāpi prakāśakaṃ tadeva vastumātramāvirbhūtam, tadāśrayatvāt sāmānyaviśeṣādīnām . - [Previous: 7.55](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.55) - [Next: 7.57](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.57) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.7.8) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.56](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.56) · Pramāṇa