[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.66 # Dvadasharanayacakra 7.66 Nyāyāgamānusāriṇī 7.66 - **Language:** Sanskrit ### [7.66](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.66) yā tu tvayoktopapattiḥ sadasattvābhāve sadasadaikātmyānupapatteḥ iti sā nopapattiḥ tvanmatenaiva sadasadaikātmyopapatteratyantāviruddhatvaṃ tayoḥ, atyantāviruddhatvāt sadasadātmakaṃ kāryaṃ prāk sattāsambandhādapi . tadyathā --sāmānyādidravyāditadatatsadasadvat, yathā sāmānyaviśeṣasamavāyākhyaṃ nanvevaṃ tadavyavahṛteḥ prāgabhāvabhedavadabhūtatvameva, atha yadetadabhūtatvaṃ tat kiṃ bhūtasya āhosvidabhūtasya ? yadi bhūtasya tataḥ sadasadaikātmyopapattireva . atha abhūtasya ? abhūtatvaṃ tato dravyāderabhāvaheturvācyaḥ . ahetuto'bhavane kṣaṇikaśūnyatādivyutpattivadabhāva eva . na cet, pūrvavat sadasadaikātmyopapattireva . vastutrayaṃ svabhāvasat svenātmanāsti tatsat, sambandhasadbhāvena nāstītyatadasat, saccāsaccetyatyantamaviruddhatvāt sadasat tvanmatenaiva . tathā dravyaguṇakarmākhyaṃ kāryatrayamutpannamātraṃ sāmānyādivat tadatatsadasaditi siddham . tasya dṛṣṭāntadvayasya vyākhyā sāmānyādīni svātmanetyādi gatārthā yathākramaṃ yāvat svasantyapi na bhavanti . tasmāt tvanmatenaiva sadasadaikātmyānupapatterasattvaṃ nāsti, upapattereva sattvaṃ siddham . tat punarasattvaṃ kathaṃ tarhi ? iti, ucyate--abhūtatvāditi sādhūktamiti . - [Previous: 7.65](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.65) - [Next: 7.67](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.67) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.555) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.66](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.66) · Pramāṇa