[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 7.78 # Dvadasharanayacakra 7.78 Nyāyāgamānusāriṇī 7.78 - **Language:** Sanskrit ### [7.78](https://indike.org/pramana/in.jaina.post.dvadasaranayacakra!simhasuri.7.78) sāmānyadṛṣṭāntasya sadasatsopākhyanirupākhyatvaikātmyaṃ darśayati --sāmānyaṃ svasat svasattayā sat na sāmānyasad vastuvat sambandhasattayetyarthaḥ . yathā tvanmatenaiva sāmānyena sambandhād dravyaguṇakarmākhyaṃ vastu sambandhasadiṣyate na tathā sāmānyaṃ sāmānyasya sāmānyāntarasambandhābhāvāt . iti sadevāsat yattūktaṃ pūrvadoṣapāpīyastvād na . tadyathā--tatra hi... ...hetūpādānakriyāniyamābhāvaḥ, asmin punaḥ sadasatkāryapakṣe dvidoṣatā pāpīyasī iti, tanna, parihṛtapūrvadoṣatvāt . sāmānyam, itiśabdasya hetvarthatvāt evaṃ sāmānyasya sadasattvaikātmyam . tadeva ca sopākhyaṃ svaparapratyayābhidhānādhānāt, svātmani sambandhini ca pratyayamabhidhānaṃ cādhatte satī sattā santi dravyaguṇakarmāṇi iti ca sāmānyam tadeva nirupākhyaṃ ca, nāsyopākhyāsti, vastuvat, vastuna iva sambandhisāmānyādupākhyā nāsti sāmānyādeḥ sāmānyādyantarābhāvāt . iti sopākhyameva nirupākhyam, itthamuktanyāyena sopākhyanirupākhyatvayorvaidharmyābhāvaḥ . vastuni viparyaya iti, dravyāditraye vastuni svato nirupākhyatā sāmānyena sopākhyatā, svatastvasattvaṃ sambandhyantarāt sattvaṃ ca sattāto viparītam . - [Previous: 7.77](https://indike.org/pramana/in.jaina.post.dvadasaranayacakra!simhasuri.7.77) - [Next: 7.79](https://indike.org/pramana/in.jaina.post.dvadasaranayacakra!simhasuri.7.79) - [Up: 7](https://indike.org/pramana/in.jaina.post.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.562) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.7.78](https://indike.org/pramana/in.jaina.post.dvadasaranayacakra!simhasuri.7.78) · Pramāṇa