[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.80 # Dvadasharanayacakra 7.80 Nyāyāgamānusāriṇī 7.80 - **Language:** Sanskrit ### [7.80](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.80) idānīṃ syādvāde paroktān doṣān parihartukāma āha --yattūktamityādi . ṭīkāyāṃ praśastamatau syādvādinaṃ prati pūrvadoṣapāpīyastvād na ityuktau doṣau, tatra sadasatkāryapakṣayoḥ sāṅkhyavaiśeṣikeṣṭayoryathāsaṅkhyaṃ kriyānupapattyupādānaniyamābhāvadoṣau . yathoktam --upādānaniyamasyāsati sati ca kriyāyā abhāvaprasaṅgāt sadasat kāryam iti doṣadvayaṃ bruvato jainasya pūrvadoṣapāpīyastvaṃ kiletthamucyate . vai॰ sū॰ praśastamatiṭīkā, tadyathā--tatra hītyādi, yathāsaṅkhyaṃ pratyekadoṣapradarśanagrantho gatārtho yāvaddhetūpādāna- kriyāniyamābhāva iti, hetavo daṇḍādyā ghaṭasya, mṛdupādānam, kriyā kulālavyāpāra iti . asmin punaḥ sadasatkāryapakṣe dvidoṣatā pāpīyasī sadasatpakṣābhyāmekaikadoṣābhyām, sattvāt kāryasya ghaṭārthāyāḥ kriyāyā abhāvaḥ, asattvādupādānaniyamābhāvaḥ ityetaddvidoṣatvāt pāpīyāneṣa pakṣa iti . atrācārya āha --tanna, parihṛtapūrvadoṣatvāt, parihṛtāvasmin sadasadekātmakakāryapakṣe pūrvoktau kriyā'bhāvopādānaniyamābhāvadoṣāviti . - [Previous: 7.79](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.79) - [Next: 7.81](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.81) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.562) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.80](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.80) · Pramāṇa