[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 7.85 # Dvadasharanayacakra 7.85 Nyāyāgamānusāriṇī 7.85 - **Language:** Sanskrit ### [7.85](https://indike.org/pramana/in.jaina.post.dvadasaranayacakra!simhasuri.7.85) yat punaridamityādi pūrvapakṣaḥ parasya yāvat pūrvadoṣapāpīyastvameveti . jainenāyaṃ parihāraḥ pūrvadoṣapāpīyastve'bhihitaḥ sadasatkāryavādinā --sadbhāgasyopādānaniyamaḥ mṛdi sattvād ghaṭasya mṛdupādānaniyamaḥ tasya cāsadbhāgasya kriyā ca ghaṭasya yujyate sadasadaṃśayoranyatarāśrayeṇa, tau cāṃśau vastuni sta eveti cedityāśaṅkāyām, evaṃ cenmanyase iti ārhatīyaṃ parihāramāśaṅkyottaramāha--etacca na, viparyayaprasaṅgāt, viparyayaḥ sadbhāgamāśritya kriyāprasaṅgo'sadbhāgamāśrityopādānaniyamaprasaṅgaḥ, aniṣṭau ca te jainasya, ekasyobhayātmakakaikavastutve viśeṣahetvabhāvāt upādānaniyamasyāsati sati ca kriyāyā abhāvaḥ ityetayorhetvoritaretarāṃśavyāvartitayorabhāvādapakṣadharmatā . ekaṃ hi vastu saccāsacca, tasmin satyubhayātmake kuta etadityādi gatārthaṃ viparyayaprasaṅgāpādanaṃ viśeṣahetvabhāvād hetuheyaniyamābhāvāt . - [Previous: 7.84](https://indike.org/pramana/in.jaina.post.dvadasaranayacakra!simhasuri.7.84) - [Next: 7.86](https://indike.org/pramana/in.jaina.post.dvadasaranayacakra!simhasuri.7.86) - [Up: 7](https://indike.org/pramana/in.jaina.post.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.7.16) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.7.85](https://indike.org/pramana/in.jaina.post.dvadasaranayacakra!simhasuri.7.85) · Pramāṇa