[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 7.87 # Dvadasharanayacakra 7.87 Nyāyāgamānusāriṇī 7.87 - **Language:** Sanskrit ### [7.87](https://indike.org/pramana/in.jaina.post.dvadasaranayacakra!simhasuri.7.87) abhyupetyāpi viparyayaprasaṅgam api ca viparyayaprasaṅgāpattāvapyevaṃvidhārthataiva anekāntasiddheḥ na pāpasya gandho'pi, sadasadātmano vastuno yo'sau paryāyārtho'sadbhāgo mṛdi ghaṭābhāvastamāśrityopādānaniyamābhāva eva . kasmāt ? anupādānasattādibhāvasāmānyalabhyasvarūpatvāt saddravyādeḥ . prāgutpatteḥ kāryamasadeva samavāyyasamavāyikāraṇasānnidhye jāyate, na tasyopādānenārthaḥ kaścit, utpannaṃ sat sattayābhisambadhyate dravyaguṇakarmākhyam, dravyatvena dravyam, guṇatvena guṇaḥ, karmatvena karmetyebhirbhāvaiḥ sāmānyākhyairlabhyaṃ svarūpaṃ vāsyeti naiva kāryasyopādānaniyamo'sti ityanekāntaḥ sidhyati . sadbhāgamāśritya ca kriyāyā abhāva eva, yo ghaṭasya kāryasya sattvameva dravyārthato vāñchati tasya kriyāyā nāstyeva prayojanam, naiva kriyāsti, ityaniyamaḥ . kiṃ kāraṇam ? tasya vādinaḥ sarvasya sarvātmakatvāt, mṛtpiṇḍo hi yugapadayugapadbhāvisarvadharmātmakaḥ . tena prakāreṇa tathā dravyārthavādaprakāreṇa, tathābhāvastathātvaṃ sarvasarvātmakatvam, tasmāt tathātvādasad nāma kiñcinnāstyato'tyantamasato'bhāvāt pratyekanayavivakṣāyāmanyatarāśraya itarasyābhāvād na hyatra viśeṣahetunārtha eva . - [Previous: 7.86](https://indike.org/pramana/in.jaina.post.dvadasaranayacakra!simhasuri.7.86) - [Next: 7.88](https://indike.org/pramana/in.jaina.post.dvadasaranayacakra!simhasuri.7.88) - [Up: 7](https://indike.org/pramana/in.jaina.post.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.566) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.7.87](https://indike.org/pramana/in.jaina.post.dvadasaranayacakra!simhasuri.7.87) · Pramāṇa