[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 7.89 # Dvadasharanayacakra 7.89 Nyāyāgamānusāriṇī 7.89 - **Language:** Sanskrit ### [7.89](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.89) yadapyuktamāpekṣikamityādi . syādvādī kiletthaṃ sadasattvaṃ samarthayatīti pūrvapakṣaḥ . mṛdātmanā ghaṭasya prāgutpatteḥ sattvam, niṣpattyuttarakālamapi mṛttvadarśanāt, tadātmakatvād mṛdupādānopapattiḥ . ghaṭātmanā cāsattvād ghaṭārthakriyopapattiriti . atra kilottaraṃ kaṭandīkāra āha --na, asatkāryatvasiddheḥ . pūrvapakṣo nottarapakṣaḥ satyaḥ, ko hi nāma so'nekāntavādī evaṃ brūyāt--prāgutpatteḥ mṛdātmanā sat kāryaṃ ghaṭātmanā cāsaditi ? evaṃ hi mṛdo'kāryatve... ...ko bhedaḥ ? abhūtvotpattivāciprākchabdoccāraṇādeva sākṣādasattvaikāntābhyupagamaḥ . anyena mṛdātmanā bhavati svena ca ghaṭātmanā na bhavatītyevaṃ bruvan pratyakṣādiviruddhaṃ mattonmattakādivat syāt . deśakālabhedalakṣaṇobhayaparyāyamātratvādevamayamasadvāda eva syāt . evaṃ tarhītyādi vyākhyā . mṛdātmanaḥ kartavyatvābhāvāt, kriyate iti hi kāryam, na ca mṛt kriyate, ghaṭo hi kriyate, sa cāsanniti . tadupanayati --tasmānna prāgutpatteḥ sadasat kāryamiti . - [Previous: 7.88](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.88) - [Next: 7.90](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.90) - [Up: 7](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.568) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.89](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.7.89) · Pramāṇa