[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 7.97 # Dvadasharanayacakra 7.97 Nyāyāgamānusāriṇī 7.97 - **Language:** Sanskrit ### [7.97](https://indike.org/pramana/in.jaina.post.dvadasaranayacakra!simhasuri.7.97) kiñcānyat, yadapi cetyādi . etasya pūrvapakṣasyottarābhiprāyeṇocyate --na, asatkāryatvasiddheriti tmanaḥ kartavyatvādasadeva kāryam . tasmānna prāgutpatteḥ sadasat kāryam vai॰ sū॰ kaṭandī iti .--etadapi naiva, asatkāryatvasiddhivat satkāryatvasiddheḥ... ...satkāryatvam . na hi ghaṭatāyāṃ mṛttattvasyābhāvaḥ . mṛda ātmaiva ghaṭātmā, tattyāge tatsvarūpānupapatteḥ, atītānāgatavartamānavicitraviśeṣādhyāsisvabhāvasadbhūtamṛttvavat atītānāgatavartamānavicitraviśeṣādhyāsisvabhāvasadbhūtaghaṭavad vā . etena sarvo'syādvādaḥ pratyuktaḥ . yāvat tasmānna prāgutpatteḥ sadasat kāryamiti gatārtham . atrottaramācārya āha --etadapi naiva, asatkāryatvasiddhivat satkāryatvasiddherityupakramya bhāvanā yāvat satkāryatvamiti . yathā mṛdbhāvādapracyutasya ghaṭasya mṛdbhāvenānutpādyāvināśyasya sata eva ghaṭavivakṣayā kartavyatvādasattvamiṣṭaṃ tvayā tathā'kartavyatvāt satatamapracyutasyākṛtakasya ghaṭādiśivakādikartavyātmano mṛttattvasya mṛttattvavivakṣayā kartavyatvābhāvāt sadeva kāryam iti kasmād neṣyate ? - [Previous: 7.96](https://indike.org/pramana/in.jaina.post.dvadasaranayacakra!simhasuri.7.96) - [Next: 7.98](https://indike.org/pramana/in.jaina.post.dvadasaranayacakra!simhasuri.7.98) - [Up: 7](https://indike.org/pramana/in.jaina.post.dvadasaranayacakra!simhasuri.7) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.571) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.7.97](https://indike.org/pramana/in.jaina.post.dvadasaranayacakra!simhasuri.7.97) · Pramāṇa