[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 8.102 # Dvadasharanayacakra 8.102 Nyāyāgamānusāriṇī 8.102 - **Language:** Sanskrit ### [8.102](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.102) tasmād yathā bālādītyādi uktopapattinigamanaṃ sabhāvanamudāharaṇaṃ yāvad devadattaḥ . bālatvasya kāraṇadravyāṇi pītthakādīni yuvatvādīnāṃ cānyānyānīti dravyabheda upapannaḥ, tathā pācako lāvako'dhyāpaka tvāt tadākāratattvo devadatta ekaḥ sarvabhedo'pi evaṃ citralepyapustādibhedopapattāvapi tathā tiṣṭhatastasya tasya sthānasya prayojanāt sā sthāpanā, tatkarmaṇastattvāpatteḥ . sthāpanayā nikṣepaḥ sthāpanānikṣepaḥ, sthāpanā sadbhāvāsadbhāvābhyāṃ vastu nikṣipati . yathā puruṣād nāmakarma nāmakarmaṇo devadattāditā tathā ca citrakarādiḥ... ... .... ityādirnāmabhedaḥ, kriyāyāḥ kṣāyopaśamikavīryātmakatvād bhāvabhedaścopapannaḥ, vividhaśabdādevamādibhedā gṛhītāḥ . satyāṃ caivaṃ dravya-nāma-bhāvabhedopapattau devadattākārasyābhinnatvāt tadākāratattvo devadatta ekaḥ sarvabhedo'pi nānyo'nyaśca ākāraparamārthatvābhedāditi bhāvayitvā tenodāharaṇena dārṣṭāntikeṣu citrādiṣvapi bhāvayitumāha --evaṃ citra-lepya-pustādibhedopapattāvapi tathā tiṣṭhatastasya tasya sthānasya prayojanāt sā sthāpanā . kiṃ kāraṇam ? tatkarmaṇastattvāpatteḥ, citrakarakarmaṇastadindratvāpatteḥ pīthakādidravya-pācakādināma-bhāvabhedakarmaṇāṃ devadattākāratvāpattivaditi vyāpitā sthāpanāyāḥ . syādvādī tu sadbhāvāsadbhāvadravyanāmabhāvādibhedatattvaṃ vastu vāñchannevaṃ brūte . sthāpanādravyārthaikāntavādinastu na kiñcidākāravyatiriktamasti, ato bhrāntimātraṃ bhedāḥ . - [Previous: 8.101](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.101) - [Next: 8.103](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.103) - [Up: 8](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.697) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.102](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.102) · Pramāṇa