[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 8.104 # Dvadasharanayacakra 8.104 Nyāyāgamānusāriṇī 8.104 - **Language:** Sanskrit ### [8.104](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.104) atra codayati --yadi sthāpanayetyādi . ayamabhiprāyaḥ--yadi sthāpyākārānākāravastuno'tiriktasyoddeśyasya devadattasya svarūpaṃ citrādi sthāpyavastu āpadyate tatastadvaccitrādeḥ sthāpyasya svarūpaṃ kasmād devadattādiruddeśyo'rtho nāpadyate, tulye sthāpayitṛvaśād vyatiriktārthasvarūpāpattihetutve sthāpanāyāḥ ? tathā indratāmakṣādirāpadyate nākṣatāmindra ityatra ko viśeṣahetuḥ ? iti sadbhāvāsadbhāvasthāpanayoścodyametat . atrocyate --nanvasāvapītyādi yāvad na na yujyate . naitadaniṣṭam, iṣyata evaitat, ato na doṣaḥ . yathā citra-lepyādi sthāpyamindroddeśena indro bhavati tathendro'pyakṣādirbhavati . api ca so'pīndranāma- gotrakarmasthāpyatvāt sthāpanānikṣepātmakatāṃ nātivartate, puruṣād nāmakarma nāmakarmaṇo devadattāditā ityādigranthena bhāvitatvāt . tasmāt sthāpanānikṣepatve satyeva jīvakarmaṇoryogavakrādipariṇāmavaicitryaṃ vyaktākāravaiśvarūpyamamihitacitralepyādidṛṣṭāntasādharmyaṃ nātivartate . ato yujyata evaitat, na na yujyate, dviḥpratiṣedhasya prakṛtyāpatteḥ . evaṃ tāvat sthāpanayā nikṣepaḥ iti tṛtīyāsamāse sthāpānānikṣepadravyārthanayavyāpitā darśitā . - [Previous: 8.103](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.103) - [Next: 8.105](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.105) - [Up: 8](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.698) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.104](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.104) · Pramāṇa