[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 8.111 # Dvadasharanayacakra 8.111 Nyāyāgamānusāriṇī 8.111 - **Language:** Sanskrit ### [8.111](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.111) atrāpītyādi . asyāpi nayasyottaramidam . ākāro'pi dvividhaḥ--sāmānyākāro viśeṣākāraśca . tatra viśeṣākāraḥ svarūpameva paramārthaḥ, na sāmānyākāraḥ . tasya paramārthasya ekabhavanasya sthāpanānikṣepe kārye sāmānyākāradravyārtha upasarjanaṃ pradhānasya paramārthasya sadbhāvasyā'sadbhāva upakāritvāt, pāṇyaṅguli sāmānyākāradravyārtha upasarjanam . paramārthatastu avikalpyatattvatvād na pāṇyādīni svarūpataḥ . kutasteṣāṃ sthāpanā dravyataḥ ? kṣetrato yugapadbhāviparyāyeṣu viśeṣavyatirekeṇārthābhāvād nāsti sthāpanā . kālato bālādyayugapadbhāviparyāyeṣvapi viśeṣavyatirekeṇārthābhāvāt kathaṃ sthāpanā kriyatāṃ kasya vā ? asadbhāvasthāpanāyāśca dravyārthatvāt sadbhāvasthāpanāyāśca paryāyārthatvāt dravyārthaprādhānye itaranirākaraṇam . yo'pi nāmabuddhyadhyāropa uktaḥ so'pi nāmadravyārthaparyāyārthayorviṣayaḥ . sa ca viśeṣabhavanameva . dravyadravyārthastu vidhyādibhaṅgeṣu vyākhyāto dūṣitaḥ . itastu bhāvayuktavācī śabdaḥ, nāmasthāpanādravyavācyeṣṭākaraṇāt . sthitamevam... ... ...yugapattattvam . tvak-parva-sandhi-varṇa-rekhā-'vayava-paramāṇu-rūpādibhedeṣviva pratyekaṃ viśeṣatattvabhavanasya itaradupasarjanam . paramārthatastu tadatyantaviśeṣe tattvamavikalpyamasti, na tāni pāṇyādīni svarūpataḥ, kutasteṣāṃ sthāpanā dravyataḥ ? tathā kṣetrato yugapadbhāviparyāyeṣu viśeṣavyatirekeṇārthābhāvād nāsti sthāpanā, ākāra ābhavanamākārye ākartari vārthe nāsti sthāpanāyā ākāratvāt . kālato'pyayugapadbhāviparyāyeṣu bālādiṣvekamekaṃ viśeṣabhavanaṃ paramārthaḥ, tad bhāvayati --bālādyayugapadbhāvītyādi yāvat kathaṃ sthāpanā kriyatāṃ kasya vā ? iti gatārtham . - [Previous: 8.110](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.110) - [Next: 8.112](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.112) - [Up: 8](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.703) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.111](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.111) · Pramāṇa