<!-- Pramāṇa, a library of Indian primary sources · https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.120 -->

[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 8.120

# Dvadasharanayacakra 8.120

Nyāyāgamānusāriṇī 8.120

- **Language:** Sanskrit

### [8.120](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.120)

atra cetyādi . śabdārtho'pyasatyopādhisatyaḥ, nānantaranayanirdiṣṭo'nyāpohaḥ . yathoktamiti śiṣṭāntaramataṃ ca darśayati --asatyopādhi yat satyaṃ tadvā śabdanibandhanamiti . tadvyācaṣṭe --viśeṣā upādhaya ityādi tadīya eva grantho yāvat tadabhidhīyata iti . suvarṇaprakṛtyupamarde kuṇḍalavikārasya viśeṣasyāsatyasya sāmānyavādimate satyaṃ prakṛtiḥ sāmānyaṃ pratipādyam . tathā puruṣādisāmānyasya pratipādakā viśeṣā upādhayaste te prakṛtipuruṣeśvarāḥ svāgameṣu . viśeṣairiva sāmānyamiti pratipādanasādharmyeṇa dṛṣṭāntaḥ . tatra śabda upanibaddho vikāraprakṛtitvavaditi . tat saṃhṛtyā''cāryaḥ sate hitaṃ satyam iti satyam, karmaṇi caturthī . bhavadvyāpi rūpādiśivakādiparyāyavṛttitattvaṃ satyam . asatyāḥ punarupādhayo'sya dravyaṃ mṛd ghaṭa ityādipravṛttayastadābhāḥ . evameva ca... ... ānīyatām . satyasya... ...tadākhyānamupasarjanam, gṛhopalakṣaṇakākavat . tathā jātiśabdo viśeṣārthaḥ . tadvacanenoktamapi viśeṣavastu uktavat . sāpi coktavat, vāgvisargakālopalakṣaṇanakṣatradarśanaśrutivat . anyathā tacchabdārthatāyāṃ taddhitārthaṃ vyutpādya vibhaktimāha --karmaṇi caturthīti ṣaṣṭhyarthe, caturthī cāśiṣyāyuṣyamadrabhadrakuśalasukhārthahitaiḥ pā॰ 2 . 3 . 73 iti vihitatvāt hinoterdadhātervā dhātoḥ karmaṇi dvitīyasyāṃ prāptāyāṃ ṣaṣṭhīcaturthyau vibhāṣyete .

- [Previous: 8.119](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.119)
- [Next: 8.121](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.121)
- [Up: 8](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8)

## Linked texts (1)

- [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.707) — Mallavādin, Sanskrit

---
Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.120](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.120) · Pramāṇa
