[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 8.122 # Dvadasharanayacakra 8.122 Nyāyāgamānusāriṇī 8.122 - **Language:** Sanskrit ### [8.122](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.122) evameva cetyādi etaddarśanasaṃvādīdamiti jñāpakametena lakṣaṇena saṅgṛhītaṃ yāvadānīyatāmiti . tadvyākhyā --satyasyetyādi yāvat tadākhyānamupasarjanamiti gatārtham . dṛṣṭāntaḥ --gṛhopalakṣaṇakākavaditi . katarad devadattasya gṛham ? iti praśne prativacanam--yatrāsau kākaḥ iti kākaśabdo gṛhārthapratipādanārthatvāt kākārtha eva san gṛhārtha ityucyate tathā uditasvārthavat jātiśabdo viśeṣārtha iti . tadvacanena tadarthatvaprakāreṇa vacanena uktamapi viśeṣavastu uktena tulyamuktavat na paramārthata uktameva tad gamyate i ?tyādi jātigatānāṃ sattā-dravya-pṛthivī-mṛd-ghaṭa-kuṇḍa-kuṇḍikādiliṅgasaṅkhyādīnāṃ saṃvādināṃ visaṃvādināṃ ca yā sāmānādhikaraṇyagatistayā nirūpitaṃ yādṛcchikamarthavattvamanarthikāyā eva satyāstasyāḥ . sāpi coktavaditi, tasyā api jāterabhihitanyāyena parārthatvādarthavattvam, anarthakatvaṃ svārthena . kimiva ? vāgvisargakālopalakṣaṇanakṣatradarśanaśrutivat, yathā nakṣatraṃ dṛṣṭvā vāco visṛjanti iti nakṣatradarśanamatrātantram, nakṣatradarśanayogyaḥ kālo'tra tadarthena paśyatinā uktavaduktaḥ, paramārthena tu paśyatiḥ svārthe eva vartate tathā jātiśabdo viśeṣārtha iti . anyathā mukhyanyāyena tacchabdārthatāyā punaruktadoṣād viśeṣaśabdāprayoga eva syāt . ata eva niyamārthā punaḥ punaḥ śrutiḥ, tadarthatvāt pūrvaśruteḥ . niyamaḥ svārthavyavasthāpanam . sañcāri caitat, dravyanaya... ... .... yugapadayugapat... ... .... yāvacca ... ... ...tāvat sarvamanena śabdanayaśabdārthena vyāptam . evameva ca viśeṣapradhānaśabdārthavyavasthāpanārthamidamapi-- na jātiśabdo bhedānāmānantyād vyabhicārataḥ . vācako niyamārthokterjātimadvadapohavān .. mityādi, punaruktadoṣāt sāmānyaśabdenoktatvād viśeṣaśabdāprayoga eva syāt, uktārthānāmaprayogaḥ pā॰ ma॰ bhā॰ 2 . 1 . 1 iti nyāyāt . - [Previous: 8.121](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.121) - [Next: 8.123](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.123) - [Up: 8](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.709) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.122](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.122) · Pramāṇa