[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 8.57 # Dvadasharanayacakra 8.57 Nyāyāgamānusāriṇī 8.57 - **Language:** Sanskrit ### [8.57](https://indike.org/pramana/in.jaina.post.dvadasaranayacakra!simhasuri.8.57) api cetyādi . taṭaśabdasyaikārthasya ekasya trailiṅgyāyuktivicāre nānāliṅgānāṃ bhūtyādīnāṃ nānāśabdānāmupanyāso'tivispardhate . itaśca na ghaṭate tadupanyāsaḥ, dravyārthatvāt sāmānyasya bhūti-bhavana-bhāvākhyasyaikatvāt tadviṣayamudāharaṇaṃ syāt, na paryāyanayaviṣayam, paryāyanayaviṣayatvācca bhāvaśabdasyātra kartaivaiko bhavati iti bhāvo viśiṣṭa evaiko ghaṭādiḥ, na tveka eva bhūtyādirūpo viśeṣaḥ kartā . tasmādekabhavanāsattvādarthaikatvamapi naiva, sāmānyabhavanasyaikasya nyagbhūtatvāt viśeṣabhavanasya bhūtyādiviśiṣṭaikarūpatvāt nāstyarthaikatvamatra naye'to dravyārthakṛtaṃ bhūtyādiṣvaikyaṃ tad māṃ pratyasiddhamityarthaḥ . tasmādadṛṣṭānta iti . - [Previous: 8.56](https://indike.org/pramana/in.jaina.post.dvadasaranayacakra!simhasuri.8.56) - [Next: 8.58](https://indike.org/pramana/in.jaina.post.dvadasaranayacakra!simhasuri.8.58) - [Up: 8](https://indike.org/pramana/in.jaina.post.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.666) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.8.57](https://indike.org/pramana/in.jaina.post.dvadasaranayacakra!simhasuri.8.57) · Pramāṇa